"Bugun umuman o'yin qovushmadi. Bu yerda hech qanday izoh yo'q. O'yinni ko'rib chiqqanimizdan keyin fikr bildirishim mumkin", - deydi Murod Ismoilov.
- Jamoa nega bu darajada sust o'ynadi?
- Bu narsani tushuntirib berish qiyin. Chunki jamoani shakllantirishda man bevosita ishtirok etganman, demak, men aybdorman.
- Mirjalol Qurbonov nega almashtirildi?
- U o'yinga tayyor emas ekan. Ancha vaqt betob bo'lib yurgandi, harakat qildik, lekin tayyor bo'lmadi.
- Jamoaga nima yetishmadi?
- Bizga ko'p narsa yetishmadi. Raqib kuchli, xatolarimizni ko'rdik.
- Chiziqlar orasida bog'liqlikni ko'rmadik!? Bu o'zgarishlar bilan bog'liqmi?
- Tarkibda o'zgarishlar ko'p bo'ldi. Yangi futbolchilar ko'p. Shunday bo'lsada, biz yaxshi o'yin ko'rsatishimiz kerak edi.
- Jamoa faqat Zokirovga o'ynadi? Boshqacharoq ko'rsatma berilsa bo'lmasmidi?
- Ko'p ko'rsatmalar bergandik, ammo ulardan foydalana olmadik. Yana qaytaraman, futbolchilarni tanlashda adashganman. Lekin bundan uchrashuvlar bo'ladi, o'yin chiqmadi.
- O'yinchi tanlashda xatolik shu o'yin bilan bog'liqmi yoki selekciya?
- Bu o'yinga ham, selekciyaga ham.
- Bir vaziyatda futbolchingiz qulay imkoniyat bo'lishiga qaramasdan darvozaga zarba bermadi. Kishi shubhalanishi mumkin?
- Shubha xayolimda yo'q. O'sha vaziyatda mahorat rol o'ynadi. Men yigitlarimga yuz foiz ishonaman.
- O'rinbosarlar safida iqtidorli yoshlar bormi?
- Yoshlar bor, ammo hali ularga vaqt kerak. Ammo ochig'ini aytaman, ularning soni u qadar ko'p emas.
Furqatbek Nishonov
