UZ

Сўнгги янгиликлар

22:36Салоҳдан ғаройиб рекорд  14 22:11Испания. "Реал" кетма-кет 7-ғалабага эришди  203 22:05“Қизилқум” Тошкент йиғинини якунлади  5 22:00Спортчилар ижтимоий тармоқларда  8 21:57"Ливерпуль" Лондон клубини тор-мор этди  22 21:55"Бавария" "Герта"ни енга олмади  19 21:54Достонбек Ҳамдамовнинг отаси: "Ўғлим "Анжи" билан 1,5 йиллик шартнома тузди"  44 21:50"Болонья" футболчиси автомобилида 12 ёшли қизчани уриб юборди ва қочиб кетди  3 21:30Мусиқа ёзаётган ажойиб футболчи билан антиқа суҳбат  2 21:19Парвозинг баланд бўлсин, “Ифтихор”!  18 21:11Olamsport: Истоминнинг Дубай турниридаги рақиби маълум бўлди, сўнгги дзюдочимизда ҳам мағлубият  1 20:59Энг кўп маош оладиган франциялик футболчилар аниқланди  7 20:32"Тоттенхэм" - "Ювентус". Туринликларда катта йўқотиш  8 20:03Англия ва Шотландия термалари МЮ ўйинчиси учун курашмоқда  4 19:44Испания. Аспас яна гол урди, "Сельта" ғалаба қозонди  0

Муносабат: Бошқалар банд, шу боис Таиланд билан ўйнаганимиз ҳам маъқул Янгиликлар

Муносабат: Бошқалар банд, шу боис Таиланд билан ўйнаганимиз ҳам маъқул

Бугун ЎФФ расмий сайти "Ўзбекистон терма жамоаси Тошкентда Таиланд билан ўртоқлик учрашуви ўтказади" сарлавҳаси остида хабар чоп этди.

Хабарда ёзилишича, Ўзбекистон миллий терма жамоаси шу йилнинг 6 июнь куни Тошкент шаҳрида Таиланд терма жамоаси билан ўртоқлик ўйини ўтказади.

Мазкур беллашув Ўзбекистон термаси учун Эронга қарши ЖЧ–2018 турнирига саралаш босқичи “А” гуруҳи 8-тур олдидан тайёргарлик вазифасини ўтайди.

Хабарингиз бор, 12 июнь куни Теҳронда Эрон терма жамоаси меҳмони бўламиз. Бу ўйин биз жуда муҳим, чунки ғалабагина бизни қониқтиради. Агар Эрон ғолиб бўлса, улар тўғридан тўғри жаҳон чемпионатига йўлланма олишади. Биз зафар қучсак, ҳозирча йўл олмасак ҳам яна имконият пайдо бўлади.

Таиланд билан Тошкентда кечадиган баҳс Эронга қарши ўйин олдидан тайёргарлик вазифасини ўтаб беради. Энди рақибнинг Таиланд эканлигига келсак, йўқдан кўра бор деганларидек ҳозирги шароитда шу рақиб чиққанига хам ношукурлик қилмаслик керак.

Чунки Таиланд "В" гуруҳида 1 очко тўплаб охирги ўринда бораётгани билан бежизга саралашнинг ҳал чилувчи босқичига чиқмаган. Қолаверса, бизнинг назаримизда бу жамоани кучсиз баҳолаш керак эмас. Тўғри, Таиланднинг ЖЧ саралашдаги ишлари яхши кетмаяпти. Жамоа еттита ўйиннинг биттасида дуранг ўйнаб, олтита учрашувда имкониятни бой берган. Тўплар нисбати 3-19.

Лекин гуруҳда Япония, Саудия Арабистони, Австралия каби "наҳанглар" борлигини инобатга олганда Таиланднинг охирги ўринда тургани ваҳимали кўринмайди.

Таиланд варианти қандай юзага келгани, музокаралар қанча давом этгани, таклиф кимдан чиққани - ҳозирда бу саволлар катта аҳамиятга эга эмас. Муҳими шуки, 6 июнь санасида Тошкентда Ўзбекистон - Таиланд ўртоқлик учрашуви бўлиб ўтади. Албатта, Таиланд номини эшитиб аксар мухлисларда бошқа кучлироқ рақиб йўқмиди деган саволлар юзага келиши мумкин, лекин бошқалар ҳам бўш эмас. Ҳамманинг қанақадир ўйини бор.

Масалан, "А" гуруҳидаги жамоалардан Япония 7 июнь куни Сурия билан ("Kirin Cup" мусобақасида) баҳс олиб боради. Саудия Арабистонининг шундоқ ҳам 8 июнда Австралия билан расмий ўйини бор. Ироқ эса шу куни Жанубий Кореяга қарши назорат баҳсини ўтказади. БАА терма жамоасининг кейинги режалари маълум эмас. Натижада битта Таиланд қоляпти.



Аслида-ку, Таиланд варианти биз учун режаси маълум бўлмаган БААга қараганда яхшироқ. Нега деганда БАА билан кўп ўйнаганмиз ва яна бир бор куч синашиш қизиқ эмасдек кўриняпти. Таиланд эса қизиқ ва сирли рақибдек туюлмоқда. Шуни айтиш лозим, бу ўйин Самвел Бабаян терма жамоамиз бош мураббийи бўлганиден бери Тошкентдаги тўртинчи ўртоқлик учрашуви бўлади.

Аввалги учта беллашувни Ироқ, Буркина Фасо ва Иорданияга қарши ўтказиб, учаласида ҳам ғалаба қозонганмиз. Ироқ 2:1 , Буркина Фасо 1:0, Иордания 1:0 ҳисобида мағлуб этилган. Ва умид қиламизки, тўртинчи ўртоқлик ўйини ҳам бизнинг фойдамизга ҳал бўлади.

Биласизми? Ўзбекистон терма жамоаси шу пайтгача Таиландга қарши турли мусобақаларда 7 марта баҳс олиб борган. Шундан тўрттасида биз, учтасида таилар зафар қучган. Ҳали дуранг қайд этилмаган. Яна шуни айтиш лозим, Таиланд ўз тарихида иккинчи бор Тошкентга ташриф буюради. Бу жамоа билан биринчи марта 2003 йилнинг 8 ноябрь куни Осиё Кубоги-2004 саралаш босқичида ўйнаб, 3:0 ҳисобида мағлуб этганмиз. Ўша ўйинда Владимир Шишеловнинг иккита, Максим Шацкихнинг битта голи терма жамоамизга ғалаба келтирганди.

Шундай қилиб, 14 йиллик танаффусдан сўнг Таиланд термаси яна Тошкентга келади. 6 июнь кунги баҳсда қизиқарли футбол кўрсак ажаб эмас.

Х.Холиқов.

Рейтинг: -45   

Фикрлар

championat.asia
< сўнгги янгиликларни кўриш

Энг яхшилар

“Челси” – “Барселона”: LIVE “Челси” – “Барселона”: LIVE
Бугун тунда ЕЧЛ 1/8 финали илк учрашуви доирасида Лондоннинг “Челси”...  630
ЎФА “Навбаҳор”ва “Бунёдкор” клубларини 500 миллион сўм жаримага тортди ЎФА “Навбаҳор”ва “Бунёдкор” клубларини 500 миллион сўм жаримага тортди
ЎФА Ижроқўми Қарорини бузганлиги учун “Навбаҳор”ва “Бунёдкор”...  349
ЕЧЛ. Лондондаги баҳсда кучлар тенг келди, Месси ниҳоят “Челси” дарвозасига йўл топа олди ЕЧЛ. Лондондаги баҳсда кучлар тенг келди, Месси ниҳоят “Челси” дарвозасига йўл топа олди
ЕЧЛ 1/8 финалидан ўрин олган “Челси”- “Барселона” учрашувида томонлар ...  228
ЎФА: “Навбаҳор” ва “Бунёдкор” “ким кўрибди, ким билибди” қабилида иш тутди ЎФА: “Навбаҳор” ва “Бунёдкор” “ким кўрибди, ким билибди” қабилида иш тутди
ЎФА кеча “Навбаҳор” ва “Бунёдкор” клубларига жарима қўллаганидан...  226
������.�������

CA ни Facebook да ўқиш
учун "Yoqdi"ни босинг