Муҳсин Убайдуллаев: “Жамоамиз мухлисларига раҳмат”
15 май 2016 08:47
Янгиликлар

Муҳсин Убайдуллаев: “Жамоамиз мухлисларига раҳмат”

Олий лига 9-тур доирасидаги “Нефтчи” – “Обод” (1:0) баҳсидан сўнг Фарғона жамоаси вакили Муҳсин Убайдуллаев ўз фикрлари билан ўртоқлашди.

- Биринчи ўринда бугун бизни қўллаб-қувватлаган мухлисларга катта раҳмат айтмоқчиман. Футболда мухлисларнинг далдаси муҳим аҳамият касб этади деб ўйлайман. “Нефтчи” жамоасини ажойиб ва жонкуяр мухлислари борлиги кишини фақатгина қувонтиради. Уларга раҳмат. Ўйин борасида нима дейиш мумкин? Жанговор баҳс бўлди. “Обод” футболчилари Фарғонага ғалаба учун келишганини ўз ўйинлари орқали исботлаб қўйишди. Бироқ бугун бизнинг омадимиз келди ва натижага эришдик. Кейинги баҳсларда ҳам яна зафар қучишга ҳаракат қиламиз, - деди Мухсин Убайдуллаев.

“Нефтчи” матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +3