Муҳсин Низомиддинов: "Иккинчи турдаги мағлубият биз учун мотивация бўлди"
02 апр 2024 21:03
Янгиликлар

Муҳсин Низомиддинов: "Иккинчи турдаги мағлубият биз учун мотивация бўлди"

Про лиганинг 4-туридан ўрин олган "Қўқон-1912" — "Хоразм" (3:0) учрашувидан сўнг мезбонлар бош мураббийи Муҳсин Низомиддинов матбуот анжуманида иштирок этди.

- Ўйин ҳақида...

- "Хоразм" етакчилар сафида бораётганди. Шу боис, уларга қарши ҳафта давомида тайёргарлик кўрдик. Йигитлар рўза тутишига қарамасдан, 90 дақиқа давомида учрашув якунига қадар ҳаракат қилишди, уларга миннатдорчилик билдираман. Шунингдек, мухлисларимиз ҳам Қўқон шаҳридан келиб, бизни қўллаб-қувватлаб туришди. Уларга ҳам раҳмат айтаман.

- Сўнгги икки ўйинга "Бухоро"дан қабул қилиб олинган мағлубият таъсир ўтказдими?

- Тўғри айтдингиз. "Бухоро"га қарши очилиш ўйинида майдонга тушгандик. Илк учрашувларда барчада босим бўлади. Қолаверса, биз уй ўйинларини бошқа майдонда ўтказяпмиз. Қишки йиғинда футболчиларнинг ҳолатини ўргандик. Ҳар бир жамоага қарши тактика танлаган ҳолда ҳаракат қиляпмиз. Иккинчи турдаги мағлубият бизга мотивация бўлди. Ҳали биз кутган жараёнга бироз вақт керак. Биз тўғри йўналишдамиз. Шу йўналишда кетсак, ўйлаган ниятимизга етамиз.

Ҳавола :

Манба : championat.asia

Янгиликларни Телеграмда ўқинг!

Рейтинг: -1