Муҳиддин Худоёров: "Келгусида ҳам "Бухоро" жамоаси учун боримни бериб ҳаракат қиламан"

"Бугун оғир учрашувда чиройли ғалабани қўлга киритганимиздан хурсандман. Бу учрашувдаги ғалаба жамоамиз учун жуда муҳим эди, қатор омадсиз учрашувлардан сўнг руҳий томондан тикланишимиз учун мана шундай ишончли ғалаба зарур эди. Бугун биз ўз дарвозамиз даҳлсизлигини сақлаб қолдик, бу ҳолат мен учун алоҳида аҳамият касб этади. Ўтган учрашувлар давомида бир нечта қўпол хатоликларга йўл қўйдим. Бунга жавобан эса мухлисларнинг кўпчилиги менга ишончсизроқ қарай бошлашди. Бугунги ўз ўйинимдан кўнглим тўлди, бу ҳолат менга руҳан далда бўлди. Келгусида "Бухоро" жамоаси учун боримни бериб ҳаракат қиламан ва асосий таркиб футболчиси эканлигимни исботлашга ҳаракат қиламан. Стадионга ташриф буюрган мухлисларга алоҳида раҳмат айтаман", - дейди Худоёров.

"Бухоро" матбуот хизмати