Моуринью "Милан" билан ўйиндаги ҳакамлик ҳақида: "Рома" мухлисларига ҳурматсизлик ғазаблантирди"

Учрашувдан сўнг римликлар устози Жозе Моуринью ҳакамларнинг ишидан норози эканлигини яшириб ўтирмади. Рим клуби футболчилари Златан Ибрагимович уларнинг жарима майдончаларида йиқилганидан сўнг пенальти белгиланганидан кескин норози бўлишди.

Португалиялик ҳакамларни тўғридан-тўғри танқид қилмади, лекин уларни Рим клуби ишқибозларига ҳурматсизликда айблади.

"Рома" мухлисларига ҳурматсизлик мени ғазаблантирди. "Милан"ни табриклайман, бундан ортиқ гапиришни хоҳламайман. "Рома" мухлислари ва клубимизни яхши кўрадиган ҳаммага нисбатан ҳурматсизликдан ғазабдаман. Ўйинчиларимни кийиниш хонасида ушлаб турдим, уларга ҳакамларни ёнига боришга имкон бермадим. Биз ҳиссиётларимиз назоратини сақлаб қола олдик", - дея Моуриньюнинг сўзларини келтирди "Football Italia".

Эслатиб ўтамиз, ҳамюртимиз Элдор Шомуродов кечаги беллашувнинг 80-дақиқасида ҳимоячи Рик Карсдорпнинг ўрнига захирадан майдонга туширилди.