Моуринью: "Эртами кечми "Юнайтед" совринлар ютишни бошлайди"
04 окт 2020 15:55
Янгиликлар

Моуринью: "Эртами кечми "Юнайтед" совринлар ютишни бошлайди"

"Тоттенхэм" бош мураббийи Жозе Моуринью "Манчестер Юнайтед"га қарши ўйиндан олдинги фикрлари билан ўртоқлашди.

"Бу жамоа йилдан йилга яхшиланиб бормоқда. Ёш футболчилар улғайиб, тажриба тўпламоқда. Клуб сифатли футболчилар сотиб олмоқда.
Улар таркибни ўзгартиришди, айрим футболчилар мен билан ишлаган, захирада ўтирган, энди эса асосий таркибда. Демак, эволюция бўлмоқда.
МЮнинг амбициялари юқори, совринлар қўлга киритиш мажбурияти бор. Соврин қўлга киритилмаганига ҳам анча вақт бўлди. Сўнгги соврин Европа лигаси бўлганди, шу боисдан жамоада соврин ютиш иштиёқи юқори.
МЮ эртами кечми совринлар йўлига тушиб олади. Жамоа шу йўлда ҳаракатланмоқда. Рэшфорд ҳали ёш, бироқ болакай эмас. У жуда агрессив футболчи. Кўпчилик учун намуна.
Матич каби футболчилар эса жамоага баланс тақдим қилади. Демак, жамоа ривожланишда давом этади", - деди Моуринью.

Ҳавола :

Манба : Goal

Янгиликларни Телеграмда ўқинг!

Рейтинг: +11