Моуриньо "Манчестер Юнайтед" футболчиларидан таътилни қисқартиришни сўради
30 июл 2018 14:18
Янгиликлар

Моуриньо "Манчестер Юнайтед" футболчиларидан таътилни қисқартиришни сўради

"Манчестер Юнайтед" бош мураббийи Жозе Моуриньо ЖЧ-2018дан сўнг дам олаётган футболчилардан, таътилни қисқартириб, жамоага қайтишни сўради.

Моуриньонинг маълум қилишича, Маркус Рашфорд ва Фил Жонс шу ҳафтада клуб тасарруфида бўлади. МЮ устози бошқа футболчилар ҳам шундай қилишини истайди.

"Таътилдагилар формада деб умид қиламан. Футболчилар Рашфорд ва Жонс каби дам олишни тугатиб, мавсум стартида жамоага ёрдам беришини хоҳлайман" - дейди Моуриньо.

"Манчестер Юнайтед" жароҳат туфайли 9 футболчисиз қолди, яна 8 нафар ўйинчи таътилда. Бу Поль Погба, Ромелу Лукаку, Маруан Феллайни, Жесси Лингард, Маркус Рашфорд, Эшли Янг, Фил Жонс ва Виктор Линделёф.

Ҳавола :

Манба : The Times

Янгиликларни Телеграмда ўқинг!

Рейтинг: +4