Мойесда трансферлар учун бюджетдан чекловлар йўқ

Мойес "Эвертон"да камтаргина бюджет билан ёки умуман усиз ҳам ишлаган. "қизил иблислар"га жамоанинг собиқ юлдузи Криштиану Роналду хамда Гарет Бейл билан боғлашаётганларига қарамай "Юнайтед" хали қимматбаҳо ўйинчи олмади.

Аммо Мойес керакли ўйинчиларни қидиришда давом этмоқда. Жамоа мураббий олдига хеч қандай молиявий чеклов қўймаган.

"Биз энг кучли ўйинчиларни қидиряпмиз. Ўйлашимча биз одамларга анъанани давом эттирган ҳолда олға ҳаракатланишга интилаётганимизни кўрсатишимиз керак. Мен ҳеч кимни номини айтишни истамайман, лекин биз доимо энг кучлиларга даъвогарлик қиламиз. Биз бир нечта позицияларни кучайтиришимиз керак деб ўйлайман. Бизда ярим ҳимояда камчиликлар мавжуд".

"Шунингдек бизнинг жамоа ёшларни олиб келишга интилмоқда, шунинг учун ҳам келиши кутилаётган ўйинчилар шу ёшлар гуруҳи бўлиши мумкин. Биз биринчи сотиб олган ўйинчимиз тўғри бўлиши учун астойдил меҳнат қиляпмиз. Менга шу хақиқий яхши жамоа ҳам етарли, лекин мен яна кимнидир қўшишни хоҳлайман" – дейди Мойес.

Fapl.ru сайтидан Жавлонбек Юсупов таржима қилди