Моҳд Ҳайрул: "Қолган ўйинларда ҳар бир очко биз учун сув ва ҳаводак зарур"

- Бугунги ўйинда рақиб дарвозасига биринчи гол урдинглар. Кейин эса ўз дарвозангиздан 2 та тўп ўтказиб юбординглар. Мағлубиятга учрашингларга нима сабаб бўлди деб ўйлайсиз?
- Тўғри таъкидлаб ўтдингиз. Учрашувда биринчи бўлиб биз ҳисобнни очгандик аммо якунда иккита тўп ўтказиб юбордик. Бир қанча вазиятлардан унумли фойдалана ололмадик. Менимча ушбу учрашувда бизга бироз омад етишмади деб ўйлайман.

- Австралия терма жамоаси ҳақида қандай фикр билдирасиз?
- Австралия терма жамоаси билан 5 маротаба тўқнаш келганмиз. Битта учраувда дурранг натижа қайд этганмиз, қолган 4 та учрашувда мағлубиятга учраганмиз. Австралия жуда кучли жамоа. Кўрган бўлсангиз захирадаги футзалчилар ўйин давомида бир бири билан алмашганда уларнинг ўйин услубида ўзгариш сезмадим. Бугунги учрашувда улар ўз кучини кўрсатишди ва бизни мағлуб этишди.

- Кейинги учрашувлар ҳақида қандай фикр билдирасиз?
- Бугунги ўйиндан келиб чиқадиган бўлсак бизни олдинда иккита ўта муҳим баҳс кутиб турипти. Албатта бу учрашувлар биз учун осон бўлмайди. 2 – турни Япония терма жамоасига қарши ўтказамиз. Ушбу терма жамоани барчангиз яхши биласиз. Менимча қолган учрашувларда хар бир очколар биз учун сув ва хаводек зарур.   
 

Жаҳонгир Сотволдиев сухбатлашди.