Mixed Zone. Арчие Анри: "Биз бу мусобақада чемпион бўлишимиз шарт"
04 июн 2022 13:20
Янгиликлар
Mixed Zone. Арчие Анри: "Биз бу мусобақада чемпион бўлишимиз шарт"
Мусобақа фаворитларидан бири саналган Япония биринчи турда БААга қарши майдонга чиқди.
Қизиқарли кечган баҳсда Го Оива шогирдлари 2:1 ҳисобида ғалаба қозонди. Ўйиндан сўнг Япония U-23 жамоаси Арчие Анри билан суҳбатлашдик.
- Ғалаба билан табриклайман, ўйин ҳақида фикрингиз...
- Раҳмат, бугун ажойиб ғалабани қўлга киритдик. Иккинчи бўлимда тўп қўлимга тегиб пенальти белгиланди ва жамоамга панд бериб қуйишим мумкин эди.
- Сиз японияликка ўхшамайсиз, бу эса бизни бироз ҳайрон қолдирди...
- Мен ярим америкалик ва ярим японияликман.
- Бу турнирга аниқ мақсад қўйилганми?
- Албатта, биз бу мусобақада чемпион бўлишимиз шарт. Биз U-21 жамоаси бўлсак-да олдимизга ғалаба қозониш вазифаси қуйилган.
- Гуруҳингизда ким фаворит деб ўйлайсиз?
- Гуруҳимизда барча жамоа кучли, бу турнирда кучсиз жамоалар қатнашмайди.
- Сиз ҳимоячисиз ва бугун рақиб жамоасининг қайси футболчилари сизга қийинчилик туғдирди?
- 9-рақамли ўйинчи (Абдулраҳмон Алнақби - тахр.) - гавдаси кичик ва жуда ҳам тез югурар экан. Бу футболчини тўхтатиш учун яхшигина тер тўкишимга тўғри келди.
Учқун Азимов суҳбатлашди.
Ўхшаш янгиликлар
championat.asia
Суперлига. Чемпионлик учун курашаётган "Насаф" ўз майдонида "Машъал"га мағлуб бўлди
Суперлига. "Бухоро" ўз уйида бир киши кам "Нефтчи"дан очко тортиб олди
ЖЧ U-17. Ўзбекистон Ирландияга имкониятни бой берди
Эшитдик-да! Кападзе Ўзбекистон терма жамоасидан кетди
Фикрлар