Мирзоҳид Ғофуров: "Кубокда ғолиб чиқиш учун бор имкониятимизни ишга соламиз"
24 июл 2020 15:34
Янгиликлар

Мирзоҳид Ғофуров: "Кубокда ғолиб чиқиш учун бор имкониятимизни ишга соламиз"

Теглар : "Навбаҳор"Мирзоҳид Ғофуров Coca Cola Ўзбекистон кубоги

Қуръа натижаларига кўра Наманганнинг "Навбаҳор" жамоаси Ўзбекистон кубоги гуруҳ босқичида АГМК, "Андижон", "Металлург" билан куч синашадиган бўлди.

Биз бу борада "Навбаҳор"нинг етакчи футболчиси Мирзоҳид Ғофуровнинг фикрлари билан қизиқдик.

"Ўзбекистон кубогининг гуруҳ босқичига ташланган қуръа борасида гапирадиган бўлсам, албатта рақиблар кучли. АГМК ва “Металлург” Coca Cola Суперлига баҳсларида ҳам яхши иштирок этишмоқда. “Андижон”га қарши кечадиган ҳар қандай ўйин эса “водий дербиси” мақомида бўлиши аниқ. Шундай экан, осон гуруҳга тушмадик. Аммо, жамоамиз ўз олдига юксак вазифаларни қўйган. Биласиз, Ўзбекистон кубоги финали Наманганда ўтказилади. Шунинг учун Ўзбекистон кубоги баҳсларида муносиб иштирок этиб, биллур совринни қўлга киритиб, мухлисларга қувонч улашиш ниятидамиз. Бунинг учун барча имкониятимизни ишга соламиз",- дейди Мирзоҳид Ғофуров.

Ҳавола :

Манба : championat.asia

Янгиликларни Телеграмда ўқинг!

Рейтинг: +12