Мирзаҳаким Тўхтамирзаев: “Хориждаги ишқибозлар сабрига қойил”

Суҳбат чоғида Мирзаҳаким Тўхтамирзаев хорижий мамлакатлар футбол ишқибозларининг учрашувлар вақтида ўзини тутиши тўғрисида фикр-мулоҳаларини билдирди. 

“Мисол учун Германия клуби иштирокидаги учрашувда мезбонлар 6 та гол қўйиб юборган, ҳар бир голдан сўнг, вазиятни ўнглаш мақсадида олдинга борар ва қарши ҳужумни ўтказиб юборарди. Эътиборлиси, мезбон жамоа ишқибозлари учрашув охиригача кетиб қолишмади, финал ҳуштагидан кейин эса жамоа футболчиларини олқишлаб, биз сизларга ишонамиз, ҳали ҳаммаси олдинда, дегандек бўлишди. 

Бизда эса баъзан айрим мухлислар ўзларини тута олмай қолишади. Бор аламларини футболчилар ва ҳакамдан олишади. Ваҳоланки, уларнинг гаплари футболчи ва ҳакамнинг кўнглига оғир ботишини ўйлашмайди ҳам. Аслида, футбол одамлар хордиқ чиқариши, завқ олиши учун яратилган бир ўйин, холос”, - деди Мирзаҳаким Тўхтамирзаев.