Миржалол Қосимов: "Жамоамиз бугунги баҳсга ишланган режани яхши бажарди"

"Қизиқарли ва чиройли футбол гувоҳига айландик. Жамоамиз учун бугунги ўйин ОЧЛга йўлланма берувчи баҳс бўлгани туфайли ҳам муҳим эди ва футболчилар ушбу ўйиндаги вазифани аъло даражада уддалашди. АГМК тарихда учинчи маротаба халқаро мусобақада ўйнаш ҳуқуқини қўлга киритди. Жамоамиз бугунги баҳсга ишланган режани яхши бажарди. Бунинг учун футболчиларимга раҳмат айтаман. Чиройли ўйинда ажойиб ғалабага эришдик. Ноқулай об-ҳавога қарамасдан бизни қўллаб-қувватлаш учун келган мухлисларга раҳмат айтаман ва бугунги ғалабани уларга бағишлаймиз. Жорий мавсумдаги охирги уй учрашувимизни юқори нотада ва аъло кайфиятда тугатдик. Эндиликда бизни Наманганда мавсумни якунловчи ўйин кутмоқда. Ушбу баҳсда ҳам ғалабага интилиб, максимал натижага эришишга ҳаракат қиламиз", – деди олмалиқликлар устози.