"Миллий" стадиони энди йўқ. "Бунёдкор" номи қайтарилди
01 май 2021 13:46
Янгиликлар

"Миллий" стадиони энди йўқ. "Бунёдкор" номи қайтарилди

Шу кунгача юртимиздаги муҳташам "Бунёдкор" стадиони халқ орасида ўз номи билан айтиб келинган.

Бироқ 2018 йилнинг июнь ойидан бошлаб стадион пештахтасида "Бунёдкор" номи ўрнида "Миллий" номи пайдо бўлди. Ушбу ҳолатга мутасаддилар ўшанда миллий ва олимпия терма жамоамизнинг уй ўйинларини мазкур аренада ўтказиши боис шундай номланганини айтишганди. Бироқ гарчи стадион "Миллий" деб айтилганига қарамасдан расмий ҳужжатларда "Бунёдкор" дея юритилган. Халқаро ўйинларда, баённомаларда "Миллий" номи ишлатилинмаган. Куни кеча ўйингоҳ пештаҳтасидаги "Миллий" номи олиб ташланди. Эндиликда стадион яна ўзининг машҳур номига қайтди.

Қуйида фотосуратларни томоша қилишингиз мумкин.