"Милан" Испания чемпионатининг яна бир футболчисини трансфер қилишга яқин

"Милан" "Валенсия" ярим ҳимоячиси Юнус Муса билан шахсий шартнома шартларини келишиб олди, дея хабар берди таниқли инсайдер Фабрицио Романо. 

Футболчини сотишга тайёр бўлган испан клуби билан ҳеч қандай муаммо бўлмайди. Америкалик футболчининг трансфер нархи 18 миллион еврога баҳоланмоқда.

Юнус Муса 20 ёшда бўлишига қарамасдан, Ла Лигада 94 та ўйинда майдонга тушиб, 2 та гол урган ва 2 та голли узатмани амалга оширган. Шунингдек, у АҚШ терма жамоаси сафида 24 та ўйин ўтказган.

"Милан" "Вильярреал"дан вингер Самуэль Чуквуезени сотиб олди.