Микель Артета: "Ҳакими жавоб ўйинида гол урмаслиги керак эди"
09 май 23:57
Янгиликлар

Микель Артета: "Ҳакими жавоб ўйинида гол урмаслиги керак эди"

"Арсенал" бош мураббийи Микель Артетанинг фикрига кўра, ЕЧЛ ярим финалининг биринчи ўйинида Ашраф Ҳакими қизил карточка олиб майдонни тарк этиши керак эди.

"Арсенал" ярим финалнинг иккала ўйинида ҳам ПСЖга (0:1 ва 1:2) мағлуб бўлиб, финалга чиқа олмади.

Лондондаги учрашувнинг 87-дақиқасида парижликлар футболчиси ўз жарима майдончаси ёнида Габриэль Мартинеллини йиқитди. Гарчи марокашлик футболчида сариқ карточка бўлса-да, ҳакамлар унга иккинчи сариқни беришни исташмади. Учрашувни Славко Винчич бошқариб борганди.

Жавоб ўйинида эса Ҳакими 72-дақиқада гол урди.

"Бизга қарши ўйнаган Ҳакими учрашувнинг сўнгги 10 дақиқасида майдонда бўлмаслиги, иккинчи ўйинда эса умуман қатнашмаслиги керак эди.
Футболда тасодифий ҳолатлар жуда кўп бўлади", - деди Артета.

Ҳавола :

Манба : championat.asia

Янгиликларни Телеграмда ўқинг!

Рейтинг: +1