UZ

Сўнгги янгиликлар

21:13Илкай Гюндоганнинг кейинги клуби номи маълум бўлди  1 21:07"Байер" 30 млн. еврога Саудия Арабистони клуби футболчисини сотиб олди  0 20:15Трансфер дедлайни: "Ливерпуль" Гехини ҳам сотиб олмоқда  6 19:53"Манчестер Сити" аъзоси Италияга йўл олмоқда — Here We Go!   5 19:36Breaking! "Бавария" Николас Жексон трансферини ижобий ҳал қилди  4 19:20Коло Муани "Тоттенхэм" футболчисига айланмоқда — Here We Go!  1 19:00CAFA Nations Cup. Эрон Ҳиндистон дарвозасига 3 та тўп киритди  16 18:41Расман: "Ливерпуль" футболчиси "Рома"га ўтди  0 18:23"Ньюкасл" 63,5 млн евро эвазига ҳужумчи сотиб олмоқда  4 18:02Ҳусанов қанча муддатга сафдан чиққани маълум  12 17:39Эшитдик-да! Усмон Тошев ЎФА терма жамоалар бўлими раҳбари лавозимига қайтмоқда  49 17:28"Милан" ҳужумчиси "Рома"га ўтишга рози  2 17:10Абдуқодир Ҳусанов CAFA мусобақасини ўтказиб юборади  19 16:50Расман: Эрон терма жамоаси ҳужумчиси "Олимпиакос"га ўтди  2 16:27"Манчестер Юнайтед" Муҳаммадали Ўринбоевнинг жамоадоши билан келишиб олди — Here We Go!  4

Микаэль Секейра: "Рамазон ойида 9 кун ичида 3 ўйин ўтказиш осон эмас" Янгиликлар

Микаэль Секейра: "Рамазон ойида 9 кун ичида 3 ўйин ўтказиш осон эмас"

Ўзбекистон Кубогининг 2-тури доирасида "Турон" устидан қозонилган ғалабадан кейин "Локомотив" бош мураббийи Микаэль Секейра ўз фикрларини билдириб ўтди.





- Ўйинни яхши бошлай олмадик. Стартда ўзимизни кўрсата олмадик. Дастлабки 15 дақиқаликдан кейин ўзимизга келдик ва ўйинимиз очилиб кетди. Бугун ўйин услубимизни бироз ўзгартирдик. Мақсадимиз - Тимурхўжа Абдухолиқов ҳамда Марат Бикмаевни ёнма-ён ўйнатиш эди. Улар биз мўлжаллаган прессингни уюштириши талаб қилинганди. Рақиблар ҳужумда яхши ўйин кўрсата олмагани сабабли ҳимояда тўпни олдинга тепиб юбораверишди.

Танаффусда ўйинни ўзгартириш учун футболчиларга керакли кўрсатмаларни бердик. Шунингдек, захирадан туширилган футболчилар ҳам ўзларини кўрсата олишди. Бироқ учрашув жуда оғир ўтди. "Турон" ҳам яхши жамоа. Бугунги мақсад - ғалаба бўлганди. Тўғри, бундан-да яхшироқ ўйин кўрсата олишимиз мумкин эди. Аммо ҳаракат қилдик ва энг керакли бўлган натижани қўлга киритиш учун ҳаракат қилдик. Бугунги ғалабамиз адолатли бўлди.

Учрашув якунига 20 дақиқа қолганида 10 киши бўлиб қолдик. Рўза ойида рақибдан бир киши кам бўлиб ўйнаш осон эмас. Шундай бўлса-да, футболчилар интилишди ва характер кўрсата олишди. Шу орқали улар ўзлари истаган натижага эриша олишларини намоён қила олишди ва сўнгги дақиқаларда гол уришга эришишди. Бу жуда қийин, доим ҳам ўхшайвермайди. Яна бир бор "Локомотив" футболчиларини табриклайман. Шунингдек, бу ғалаба шу ерда ишлайдиган барчага, мухлисларга ҳам бағишланади. Футболчилар эса фантастик ўйин намойиш қилиб беришди.

Рамазон ойида 9 кун ичида 3та ўйин ўтказиш, устига устак 16:30да - жуда қийин. Нукусда ҳам иссиқ ҳаво бўлади. 3 кундан кейин у ерда ўйин ўйнаймиз. У ерда ҳам ютишга ҳаракат қиламиз. Бироқ осон бўлмайди. Осон ўйиннинг ўзи йўқ. У ерда майдон сунъий. Бироқ ҳар бир футболчимга ишонаман. Ким майдонга тушадиган бўлса, ўзининг максимал кучини намойиш қилади.

- Жамоа деярли ротациясиз ўйнамоқда. Гуруҳда 1-ўрин нақд қилинди. "Арал Самали"га қарши ўйинда иккинчи таркиб ўйнаши мумкинми?
- Ҳа, ўзгаришлар бўлади. 12 кун ичида 4та ўйинда қатнашиш осон эмас. Ким ўйнаса ҳам, ёш ёки тажрибали бўлса ҳам барчага ишонаман. Фақатгина ишлашда давом этиш керак.

- Санжар Қодирқулов қачон сафга қайтади?
- У қайтишга яқин. Фақат Санжарни ҳавф остига қўймасдан, жисмоний ҳолатини яхшилаб олишини кутяпмиз.

Рейтинг: -2   

Фикрлар

championat.asia
< сўнгги янгиликларни кўриш
Яндекс.Метрика