Месси кеча Хави ва Бускетс билан бирга овқатланди

Манбанинг хабарига кўра, кеча аргентиналик футболчи "Барса"нинг баъзи вакиллари билан ресторанда кечки овқатни бирга танаввул қилган.

Журналист Хелена Кондис Эдонинг аниқлик киритишича, Мессига Каталония клуби бош мураббийи Хави ва ярим ҳимоячи Сержи Бускетс ҳамроҳлик қилган.

Кеча, 23 январь куни Месси Лига 1 доирасидаги "Реймс"га қарши ўйинда тахминан 30 дақиқа ўйнади ва голли узатмани амалга оширди.

ПСЖ навбатдаги ўйинини 31 январь куни ўтказади. Парижликлар Франция кубоги доирасида "Ницца" билан куч синашади.

Жорий мавсумда 34 ёшли форвард Лига 1'да 12 та ўйинда майдонга тушиб, 1 та гол урди ва 5 та голга ассистентлик қилди.