Месси болаликдаги орзусига эришди

Бу мусобақадаги ғолиблик финалда кимсан Бразилия мағлуб этилгани билан ҳам аҳамиятга моликдир. Турнир Бразилияда ташкил этилди ва финалдан олдин майдон эгаларининг имконияти кўпроқ эди. Лекин Аргентина терма жамоаси ҳам юрт, ҳам Месси учун ўйнаб ўта қийин баҳсда ғалаба қозонди. 

Мессининг ёшликдаги орзуси мамлакат бош жамоаси билан катта мусобақада зафар қучиш эди. Ва ниҳоят 2021 йилнинг ёзида у орзусига эришди. Бунгача Аргентина ёшлар термаси билан U-20 жаҳон чемпионатида, олимпия терма жамоаси билан Олимпиадада олтин медалларни қўлга киритган Месси эндиликда асосий жамоа билан ҳам кубокни боши узра баланд кўтарди. 

Лионель Мессининг фаолиятидаги энг катта ютуқлари:

- Олтита "Олтин тўп"

- 4та Чемпионлар лигаси

- 10та Испания чемпионлиги

- 35та "Барса" билан турли даражадаги совринлар

P.S. Албатта, бутун дунё футболида миллий терма жамоа билан зафар қучишдан катта мукофот йўқ.