UZ

Сўнгги янгиликлар

02:39Марчиняк "Бавария"нинг 103-дақиқадаги голини офсайд сабаб бекор қилди. Ўйиндан ташқари ҳолат ростдан ҳам бормиди?  31 02:12ЕЧЛ финалида "Реал" ва "Боруссия Дортмунд" тўқнаш келади!  38 02:00ЕЧЛ. Камбэклар қироли "Реал" "Бавария"ни таслим қилиб, финалга йўл олди. Хоселу – қаҳрамон!  384 01:07Жанни Инфантино: "Ўзбекистондаги Жаҳон чемпионатида юқори сифатли ўйинлар бўлишини кутяпман"  0 00:26ЕКЛ. "Фиорентина" икки ўйин натижасига кўра "Брюгге"дан устун келди ва илк финалчига айланди!  1 23:58Мбаппега Саудия Арабистонига кетишни маслаҳат беришди  4 23:36"Манчестер Юнайтед" дунёнинг энг қиммат клуби деб топилди!  8 23:00ЕЧЛ финали сари йўл. "Реал Мадрид" – "Бавария". Асосий таркиблар аниқ!  44 22:21Кроос: "Бавария"га қарши ўйинни финалдан умуман фарқи йўқ. Математика билан шуғулланиш керак эмас"  2 21:54Рустам Лутфуллин бошчилигидаги ўзбекистонлик ҳакамлар ЖЧ-2026 саралаш учрашувига тайинлов олди  4 21:31Рўзиқул Бердиев икки марта жаримага тортилди – ЎФА Тартиб-интизом қўмитасининг қарорлари  17 21:08ПСЖ – "Боруссия Д" учрашуви бош ҳаками ўйин якунлангандан сўнг йиғлаб юборди  9 20:45Тухель "Реал"га қарши ўйин ҳақида: "Ҳамма нарса бўлиши мумкин. Бу "Бавария" учун охирги имконият"  6 20:21Анчелотти "Бавария"га қарши ўйин олдидан фикр билдирди  7 20:03Футзал. ОКМКдан йирик ғалаба  0

"Менинг илк Жаҳон чемпионатим" рукнида - Германия Янгиликлар

"Менинг илк Жаҳон чемпионатим" рукнида - Германия

Теглар :  ЖЧ-2018Германия
Барчамиз ўзимизнинг биринчи мундиалимиз ҳақида ажойиб хотираларни ёдга олиб турамиз.

Германия терма жамоаси футболчилари ўзларининг илк Жаҳон чемпионатлари хотиралари билан ўртоқлашишди.


Мартин Платтенхардт, 26 ёш

Германияда ўтган ЖЧ-2006да Мартин 14 ёшда бўлган ва "Нюртинген" жамоаси ёшлари сафида фаолият кўрсатган.

"ЖЧ-2006 доирасидаги Штутгартда ўтган Франция - Швейцария учрашувида тўп узатиб турувчи бўлганман. Мен ўшанда учрашувнинг энг муҳим палласида Зиданга тўпни узатганман. Бу мени хотирамдан ҳечам ўчмайди", - дея ЖЧ ҳақидаги хотираларини билдирди Мартин Платтенхардт.

Томас Мюллер, 28 ёш

1998 йилга мундиалда Томас 8 ёшда бўлган. Мюллер ўшанда Германия терма жамоасининг чорак финалда мағлубиятга учраганини телевизор орқали томоша қилган.

"Кристиан Вёртс :-). Германия ўшанда Хорватияга ютқазиб турнирни тарк этганди. Вёрнсни 40-дақиқада майдондан четлатилгани ёдимда", - дея ўзининг илк мундиалини хотирлади Мюллер.

Маттиас Гинтер, 24 ёш

ЖЧ-2002да Гинтер 8 ёшда бўлган. Гинтер ўзининг илк мундиалини Клозени бенефиси билан эслайди.

"Мени илк мундиалим бу Клозе билан боғлиқ. ЖЧ-2002да Германия - Саудия Арабистони учрашувида қайд этилган 8:0 ва Клозенинг "сальто"сини жуда яхши эслайман", - дейди Гинтер.

Марко Ройс, 29 ёш

Томас Мюллер сингари Марко Ройс ҳам ЖЧ-1998ни ёдга олди. Ройс фақат Германия - Хорватия учрашувини эмас, балки Зиданнинг голларини хотирлади.

"Бу ЖЧ-1998 эмас, балки Зидан-98 бўлганди. Зизунинг финалда бош билан урган голларини жуда яхши эслайман", - дейди Марко Ройс.

Йонас Хектор, 28 ёш

Хектор ҳам Зиданнинг финалда урган голларини ёд олди.

"Францияда ўтган ЖЧ-1998. Франция ҳамда Бразилия ўртасидаги финал ва Зиданнинг голлари"- ёдимда муҳрланиб қолган дейди Хектор.

Себастьян Руди, 28 ёш

Руди ҳам ўзининг илк мундиали ҳақидаги гапира туриб Зиданнинг голларини ёд олди.

"Жаҳон чемпионати ҳақида илк хотирам албатта Зиданнинг финалдаги супер дубли билан боғлиқ", - дейди Руди.

Месут Ўзил, 29 ёш

Ўзил ҳам терма жамоасидаги кўпчилик қатори биринчи мундиали ЖЧ-1998 бўлганини таъкидлади.

"ЖЧ-1998 финалини жуда яхши эслайман. Бразилия терма жамоасини икки бор ранжитган Зизу биринчи мундиалимни безаган", - дея Ўзил илк Жаҳон чемпионати ҳақида гапирди.

Жером Боатенг, 29 ёш

Боатенг Жаҳон чемпионатларидаги хотиралари Зидан билан боғлиқ эканлигини таъкидлади.

"Мундиаллар ҳақида эслайдиган бўлсам, унда автоматик тарзда Зидан ҳаёлимга келади. Илк мундиалим бу ЖЧ-1998 ҳамда Зиданнинг бош билан урган голлари", - дейди Жером Боатенг.

Илкай Гюндоган, 27 ёш

Гюндоган ҳам илк Жаҳон чемпионати ҳақида хотирлаганда ЖЧ-1998ни эслади.

"Франция - Бразилия. 3:0! Бу мени илк мундиалдаги дастлабки хотирам", - дейди Илкай Гюндоган.

Матс Хуммельс, 29 ёш

Матс Хуммельс илк Жаҳон чемпионати ҳақида хотирлаб ЖЧ-1994ни ёдга олди.

"Биринчи мундиалим афсуски ёрқин хотиралар билан боғлиқ эмас. ЖЧ-1994даги Лечковнинг ҳаводаги парвозда бош билан урган голи ва Германия чорак финалда тўхтагани", - дейди Матс Хуммельс.

Сами Хедира, 31 ёш

Хедира ҳам илк Жаҳон чемпионатини 1994 йилда томоша қилган.

"Мени илк мундиалимда Германия аламли тарзда ютқазган ва ЖЧ-1994да чорак финалда қопкетган", - дейди Хедира.

Марио Гомес, 32 ёш

Гомес ЖЧдаги илк хотираларини кумири Ромарио билан боғлади.

"Италияда оилавий ҳордиқ чиқараётганимизда ЖЧ-1994 финалини томоша қилганмиз. Ўшанда Бразилиянинг пенальтилар сериясидаги ғалабасидан кейин бутун хона бўйлаб хурсанлчиликдан югурганман. Ўша кундан бошлаб Ромарио мени кумиримга айланган", - деди Гомес.

Жошуа Киммих, 23 ёш

Киммихни ЖЧ-2002да Роналдо ва Каннинг ўйинлари ўзига ром этганини таъкидлади.

"Мени илк мундиалим бу Япония ва Жанубий Кореяда ўтган чемпионат. Ўшанда Роналдонинг соч турмаги ва Оливер Каннинг ажойиб ўйинлари мени ўзига ром этганди", - дейди Киммих.

Юлиан Брандт, 22 ёш

"Байер" футболчиси ҳам илк Жаҳон чемпионати Осиё қитъасида ўтган мундиал эканини айтиб берди.

"Мундиалдаги илк хотирам бу Бразилия ва Германия ўртасидаги финал билан боғлиқ. Ўшанда оилавий барда ўтириб финални томоша қилгандик", - деди Брандт.

Антонио Рюдигер, 25 ёш.

"Челси" ҳимоячиси Антонио Рюдигер мундиалги илк хотираси соч турмаги билан боғлиқлигини таъкидлади.

"ЖЧ-2002: Роналдонинг ажабтовур соч турмаги", - дейди Рюдигер.

Тимо Вернер, 22 ёш

Тимо Вернерни айтишича, у илк Жаҳон чемпионатини бобосининг боғида томоша қилган.

"ЖЧ-2002 пайтида биз оилавий бобомизни боғида эдик. Финални ҳам айнан бобомнинг боғида томоша қилганмиз", - дейди Вернер.

Кевин Трапп, 27 ёш

ПСЖ дарвозабони Трапп ҳам кўпчилик қатори ЖЧ-2002ни эслади.

"ЖЧ-2002даги финал: Бразилия - Германия. Ўшанда мен 12 ёшда эдим ва бутун чемпионатни тўлиқ кузатганман. Биринчи навбатда табиийки мен Каннинг ўйинларини диққат билан кузатардим. Чунки Оли мени кумирим бўлган. Кан ажойиб чемпионатни ўтказган, аммо финалдаги аламли мағлубиятда Канга ачинганман. Чунки Кан финалда ўша машҳур хатога йўл қўйган. Мен эса кумирим учун қайғургандим", - дейди Трапп.

Мануэль Нойер, 32 ёш

"Бавария" ва Германия терма жамоаси сардори Нойер 1990 йилдаги мундиални аранг эслайди.

"Италияда ўтган 1990 йилдаги мундиални аранг эслайман. Ўшанда мен илк бор Жаҳон чемпионатини кузатгандим", - дейди Нойер.

Марк-Андре Тер Штеген, 26 ёш

"Барселона" посбони 14 ёшида ЖЧ-2006да Оливер Нойвилнинг Польшага урган голидан қувонгани билан мундиални ёд олади.

"Мухлислар билан оғзи-бурунгача тўла Дортмунддаги "Вестфаленштадион", учрашувнинг 91-дақиқа ва таблодаги 0:0 ҳисоби. Кутилмаганда рақиб жарима майдончаси ичида тўпни абул қилган Давид Одонкорнинг Нойвилга узатган паси ва муҳим гол - 1:0! Германиянинг ўша Польша устидан қозонган ғалабасини эслаганимда этларим жимирлаб кетади", - дейди Тер Штеген.

P.S. Эртага "Championat.asia" сайти ижодкорлари ўзларининг илк мундиаллари ҳақида ҳикоя қилишади.

Рейтинг: +12   

Фикрлар

championat.asia
< сўнгги янгиликларни кўриш
Яндекс.Метрика