“Мен Ди Стефано, Пеле, Марадона ва Кройфнинг ўйинларини кўрганман, аммо Месси энг зўри”

“Мен Ди Стефано, Пеле, Марадона, Кройффнинг ўйинларини кўрганман. Аммо Месси энг яхшиси. Мен юқорида санаб ўтилган футболчиларнинг бир нечтасига қарши майдонга тушганман. Аммо такрорлайман, Месси – шубҳасиз энг зўр футболчи.

Улар ўз вақтида буюк футболчи бўлишган, аммо замонавий футболнинг суръати олдингиси билан солиштириб бўлмайди. Месси ураётган голларга қаранг. 

Лео майдонда кам югуради. Аммо керак вақтда тўп унинг оёғига ёпишиб олгандек туюлади. Мен ўта юқори тезликка эга бўлган футболчиларни кўрганман. Аммо улар тўп билан ҳаракатланганда тезлик пасайиб кетади. Лео билан эса аксинча, у барчасини фантастик тарзда бажаради”, деди Маскио Clarin нашрига берган интервьюсида.