Матич МЮга чемпионлик учун нима етишмаётганлиги ҳақида гапирди

“Чемпионлик титулини қўлга киритиш учун топ даражадаги тажрибали футболчи зарур. Бизда футболчиларнинг даражаси барқарор. Аммо тажриба борасида бироз оқсаяпмиз. Бизда беш олти нафар футболчилар аллақачон топ даражага чиқишган, аммо улар жуда ёш. Масалан Рэшфор ва Марсяль. Улар яхши савиядаги футболчи эканликларини аллақачон исботашди. Бироқ улар ҳали жамоани ўзлари билан эргаштира олишмайди.

Мэйсрон Гринву ажойиб потенциалга эга. “Юнайтед” раҳбарияти қандай қилиб жамоа тузишни билади. Ҳозир таркибга жалб этилаётган футболчилар келажак учун пойдевор. Аммо уларга вақт бериш лозим. 17 ёшли футболчидан 26 ёки 27 ёшли футболчининг ўйинини кутиш нотўғри. Футболда ҳамма бирдан натижага эришишни истайди. Аммо мухлислар бироз сабр қилишларига тўғри келади. Бу футболчилар билан яқин йилларда МЮ ўз ўрнига қайтишига ишонаман.

Айни пайт мен жамоанинг энг тажрибали футболчиси саналаман ва етакчи бўлишга интилаяпман. Аммо сардор ким бўлишини мураббийлар ҳал қилишади. Улар қандай қарорга келишса ҳам, биз уларнинг фикрига ҳурмат билан муносабатда бўламиз. Сардор бўлиш яхши, аммо ундан ҳам муҳими майдонда бир жону тан бўлиб, йигитлар бир бирларини доим қўллаб –қўвватлашлари шарт”, дея Матичнинг сўзларидан иқтибос келтирмоқда Goal.com.