"Машъал" бешта туман футбол мактаблари билан ҳамкорликни бошлади

Унда вилоят футбол федерасияси биринчи вице-президенти Норқул Даминов, Муборак туман ҳокими ўринбосари Шавкат Меҳмонов, клуб раҳбарияти ва Қашқадарёнинг бешта тумани  таълим бошқармаси вакиллари иштирок этди. Йиғилишда Қашқадарё вилоят Ҳокимининг футболни ривожлантириш бўйича ишлаб чиққан режасини бажариш масаласи кўриб чиқилди.

Йиғилишда вилоятнинг бешта Чироқчи, Яккабоғ, Муборак, Касби, Миришкор туманларидаги футбол мактабларининг барчасини "Машъал" футбол клуби билан боғлаш масаласи кўрилди.

Йиғилишни олиб борган вилоят футбол федерацияси биринчи вице-президенти Норқул Даминов бу тизимни самараси ҳақида барча йиғилганларда тушунчалар бериш билан бир қаторда, туманларда йўлга қўйилган барча камчиликларни бирма-бир санаб ўтди. Ҳар бир туманда футбол учун олиб борилаётган ишлар самараси муҳокама этилди.

"Машъал"да ўз ишининг мутахассислари иш олиб бормоқда. Вилоятимиз ҳар доим истеъдодларга тўла бўлган. Биз бу истеъдодларни йўқотмай, нафақат вилоятимиз балки, футболимиз юзига айланиб бораётган "Машъал"га ўтказиш борасида ишларни олиб боришимиз керак. Ўз футболчиларимизни ўзимиз кашф этиб , Ўзбекистон учун керакли инсон қилиб тарбиялайлик. Клубда тажрибали Александр Хомяков,  АбдураҳмонЮмангулов, Жамшид Саидов, Дилшод Андаев каби етакчи мутахассислар иш олиб бормоқда. Ёшларни тўғри йўлга йўналтириб, футболимизга фойдаси тегадиган қилиб тарбиялашимиз лозим. Шу боис вилоятнинг бешта туманидаги футбол мактабларини ва футболга ихтисослашган мактабларни тўлалигича "Машъал" билан ҳамкорликка ўтказмоқчимиз",  - дейди Норқул Даминов

Йиғилиш якунига барча туман халқ таълим вакилллари умумий фикрларини айтиб ўтди ва бешта туман футбол мактаблари "Машъал" билан ҳамкорликни боғлади.

Энди "Машъал" клубининг мураббийлари туманларда ташкил этилувчи барча футбол турнирларида иштирок этиш билан бир қаторда, истеъдодларни саралаб клубга жалб этади. Ундан ташқари ҳар ойда ҳар бир туманда умумий йиғилиш ташкил этилиб, унда клуб вакиллари ҳам иштирок этади.