"Манчестер Юнайтед"да янги тўлқин: беш футболчи клубни тарк этиш ниятида — Романо
04 июл 20:58
Янгиликлар
"Манчестер Юнайтед"да янги тўлқин: беш футболчи клубни тарк этиш ниятида — Романо
Таниқли журналист Фабрицио Романонинг ижтимоий тармоқ Х (илгариги Twitter) орқали хабар беришича, "Манчестер Юнайтед" сафидаги беш нафар футболчи — ҳужумчилар Маркус Рашфорд, Антони, Алехандро Гарначо, Жейдон Санчо ҳамда ҳимоячи Тирелл Маласиа жамоани тарк этиш истагини клуб раҳбариятига етказган.
Эслатиб ўтамиз, 2024 йил ёз ойида Санчо "Челси"га ижара асосида ўтган эди. Қишда эса Рашфорд "Астон Вилла", Антони "Бетис", Маласиа эса ПСВ сафларига ижарага берилди.
"Қизил иблислар" ўтган мавсумда Англия Премьер-лигасида фақат 42 очко тўплаб, 15-ўринни эгаллади. Шунга қарамасдан, жамоа Европа Лигаси финалигача етиб борди, аммо ҳал қилувчи баҳсда "Тоттенхэм"га 0:1 ҳисобида имкониятни бой берди.
Жамоадаги бу ўзгаришлар клубнинг янги стратегиясига ишорами ёки йўқ буни вақт кўрсатади.
Ўхшаш янгиликлар
championat.asia
Al Ain Cup. Остон Ўрунов порлаган оқшомда Ўзбекистон Мисрни мағлуб этди, финалда яна Эрон билан ўйнаймиз
U-17 Жаҳон чемпионати. Ўзбекистон U-17 терма жамоаси пенальтилар сериясида Хорватияни енгиб, кейинги босқичга йўл олди
Криштиану Роналду фаолиятида илк бор Португалия термаси сафида қизил карточка олди
Миср терма жамоаси собиқ юлдузи кечаги учрашувдан сўнг жамоа бош мураббийини танқид қилди
Фикрлар