"Манчестер Сити" Альваресни бошқа клубга қўйиб юбормоқчи эмас, аммо...
09 июн 14:31
Янгиликлар

"Манчестер Сити" Альваресни бошқа клубга қўйиб юбормоқчи эмас, аммо...

"Манчестер Сити" ушбу ёзда жамоа ҳужумчиси Хулиан Альварес бўйича ижара таклифларини қабул қилмоқчи эмас.

Журналист Фабрицио Романонинг хабарига кўра, 24 ёшли аргентиналик кўпроқ ўйин амалиётига эга бўлмоқчи, у бу ҳақда клуб раҳбариятига хабар берган. Шу билан бирга, "Сити" ўйинчини сақлаб қолмоқчи.

Олдинроқ, "Челси"нинг яқин кунларда Альвареснинг ўтиши бўйича таклиф бериши хабар қилинганди. Шунингдек, футболчининг агенти билан ПСЖ вакиллари алоқага чиқишган.

Форвард ўтган мавсум "Манчестер Сити" таркибида барча мусобақаларда 54та ўйинда майдонга тушиб, 19та гол ва 13та ассист қайд этди. Альвареснинг шартномаси 2028 йилнинг ёзига қадар мўлжалланган. Transfermarkt ўйинчини 90 миллион еврога баҳоламоқда.

Ҳавола :

Манба : twitter.com/FabrizioRomano

Янгиликларни Телеграмда ўқинг!

Рейтинг: +2