UZ

Сўнгги янгиликлар

19:15Суперлига. “Насаф” — “Динамо” 0:0   0 19:12"Барселона" — "Алавес". Таркиблар маълум  8 19:04Рўзиқул Бердиев: "Афсуски, мавсум биз учун бир текис ўтмади"  4 18:46"Манчестер Сити" — "Лидс". Таркиблар маълум  5 18:36Суперлига-2025. "Пахтакор" кумуш, "Насаф" бронза медалига эга чиқишди  16 18:27Туркия Суперлигаси. "Ризеспор" ўз уйида мағлуб бўлди, Алиқулов захирада қолдирилди  2 17:59Вадим Абрамов: "Баъзи ўйинларимиз ижобий якун топганида ҳатто иккинчи ўринни олишимиз мумкин эди"  12 17:28Суперлига. Тарихда илк бор аёл ҳакам бошқарган ўйинда 6 та гол урилди   14 17:00Суперлига. "Насаф" ўз майдонида "Динамо" билан дуранг ўйнаб мавсумни учинчи ўринда якунлади  41 16:59Суперлига. Голи инобатга олинмаган ва бир киши кам қолган "Пахтакор" "Навбаҳор" майдонида очко йўқотганига қарамай, мавсумни иккинчи ўринда якунлади  59 16:35"Барселона" 126 йиллигини нишонламоқда: “Бир хил ранг, бир хил рамз, бир хил тарих"  14 16:18Ўртоқлик ўйини. Ўзбекистон аёллар терма жамоаси Эронни ишончли ҳисобда мағлуб этди  2 15:39ЖЧ-2026 гуруҳ босқичига қачон қуръа ташланади?  4 14:28"Бунёдкор" билан ўйинда "Андижон"ни ким мураббий сифатида бошлаб тушиши маълум  3 14:17"Андижон" ярим ҳимоячиси кейинги мавсумни "Бунёдкор"да ўтказади   4

Максим Шацких "Ал Васл"га қарши ўйиндан сўнг Championat.Asia сайтига интервью берди Янгиликлар

Максим Шацких "Ал Васл"га қарши ўйиндан сўнг Championat.Asia сайтига интервью берди

Элит Осиё чемпионлар лигаси 1-туридан ўрин олган "Ал Васл"га қарши баҳсдан сўнг (0:1) "Пахтакор" бош мураббийи Максим Шацких Championat.Asia сайтига кичик интервью берди.

Интервьюда мураббий ўз жамоаси ўйини, яқин келажак режалари ва Ўзбекистон миллий терма жамоаси ҳақида фикр билдирди.

- Сўнгги вақтларда "Пахтакор"нинг натижалари қувонтирмаяпти. Бу нима билан боғлиқ?

- Ҳозир жамоа қуриш давом этмоқда. "Пахтакор" қишда қандай ўзгаришларга тўқнаш келганидан хабарингиз бор. Олдимизга қўйилган вазифаларни бажариш учун нималар етишмаётганини биламиз. Йил охирига қадар Суперлигадаги вазиятни яхшилашга, Элит ОЧЛда муносиб иштирок этишга ҳаракат қиламиз. Ҳозир "Пахтакор"да "перезагрузка" давом этмоқда. Унинг мевасини кейинги йил кўрамиз.
Мухлисларга мурожаат қилмоқчиман. Қўллаб-қувватловингиз учун раҳмат, жамоа ҳар бир ўйинда буни ҳис қилиб турибди. Бундай осон бўлмаган вақтда бироз сабр қилиш керак. Кейинги мавсум биз кучлироқ бўламиз. "Пахтакор" буткул бошқача бўлади.

- Сизнингча "Пахтакор" кейинги йил чемпионлик учун кураша оладими?

- "Пахтакор" ҳар йили чемпионлик учун курашиши ва Элит ОЧЛда иштирок этиши керак. Бу муҳокама қилинмайди ҳам. Ҳозир клубнинг келажаги учун натижаларни бироз қурбон қилишимизга тўғри келмоқда.
"Пахтакор" буткул бошқа йўлдан кетмоқда: биз ҳозироқ натижа қилиш учун қимматбаҳо легионерлар ва ёши катта футболчиларни харид қилмаймиз. Биз узоқ муддат учун пойдевор қурямиз, унинг асоси - ёш футболчилар ва академиямиз тарбияланувчилари. Кейинги мавсум биз чемпион бўлишимизга ишончим комил.




- Клубнинг селекциясини қандай баҳолайсиз?

- Селекциядан қониқдим. Фақатгина кучли ҳужумчини ўз таркибимизга қўша олмадик холос. Раҳбарият ҳам, биз ҳам ҳозир айнан шу нуқтани кучайтириш кераклигини тушуниб турибмиз. Янги мавсум бошида клубга олиб келиш учун кучли ҳужумчини излашни бошлаб юборганмиз.
Қолган нуқталар бўйича муаммо йўқ, ҳар бир позицияда камида иккитадан тенг кучли футболчи бор. Бу жамоа чемпион бўла олади. Асосийси - кейинги йилга таркибни сақлаб қолиш ва ҳужумчи харид қилиш.

- Ўзбекистон миллий терма жамоасининг 2026 йилги Жаҳон чемпионатига чиқиш имкониятларини қандай баҳолайсиз?

- Дастлабки икки ўйиндан кейин жамоамиз яхши темпда кетмоқда. Мундиалга чиқиш имконияти ажойиб. Бизда кучли авлод ва қобилиятли ёш футболчилар бор. Агар жамоа шундай давом этса (бу биринчи навбатда натижалар ҳақида), ЖЧ-2026га чиқишимизга шубҳа қилмайман ва биз бунга лойиқмиз.


Эмиль Бекмухаммедов суҳбатлашди

Рейтинг: +7   

Фикрлар

championat.asia
< сўнгги янгиликларни кўриш
Яндекс.Метрика