Макларен: "Фақат ван Дейк МЮ-1999 таркибига кира олган бўларди"
15 фев 2020 16:06
Янгиликлар

Макларен: "Фақат ван Дейк МЮ-1999 таркибига кира олган бўларди"

Англия терма жамоаси собиқ бош мураббийи Стив Макларен Виржил ван Дейк ҳақида фикрларини билдириб ўтди.

Унинг фикрича, "Ливерпуль"нинг ҳозирги таркибидан фақат ван Дейк 1999 йилги "Манчестер Юнайтед"нинг асосий таркибидан жой ола билган бўларди.

Жорий мавсум "Ливерпуль" АПЛда 75 имкониятдан 73 очко жамғарган ва якка пешқадам бўлиб турибди. Ҳозирги "Ливерпуль"га Премьер-лига тарихидаги энг буюк жамоани ортда қолдириши мумкин дея қаралмоқда.

Аммо, Макларен Юрген Клопп жамоасидан 1999 йил требл қайд этган "қизил иблислар" кучлироқ деб ҳисобламоқда.

"Агар Виржил ван Дейк Яп Стам билан жуфтликда ўйнаганида ажойиб тандем бўларди. Улардан ҳеч ким ўта олмаган бўларди.

Лекин жиддий айтадиган бўлсам, ван Дейк - ўша жамоанинг асосий таркибига кира оладиган ягона ўйинчи. Ўша "Манчестер Юнайтед"нинг таркибига ва бутун жамоада мавжуд бўлган лидерлик сифатларига қаранг. Лидерлик сифати улар муваффақиятининг калити бўлган. "Ливерпуль" бу нарсани ўзида энди-энди ўстирмоқда", - дея Маклареннинг сўзларини келтирди "Sky Sports".