Маҳмуд Маҳамаджонов: "Ҳали ҳеч нимани бажарганимиз йўқ! Мен учун энг минимуми - чемпионлик"
11 мар 2023 23:27
Янгиликлар

Маҳмуд Маҳамаджонов: "Ҳали ҳеч нимани бажарганимиз йўқ! Мен учун энг минимуми - чемпионлик"

Теглар : U-20 Осиё чемпионати Маҳмуд Маҳамаджонов

U-20 Осиё Кубоги чорак финалида Австралия устидан қозонилган ғалабадан кейин Ўзбекистон термаси ҳимоячиси Маҳмуд Маҳамаджонов ўз фикрларини билдирди.

- Жуда қийин жараёнли ўйин бўлди. Жамоадаги барча йигитларга раҳмат, сўнгги сонияларгача борини бериб ҳаракат қилишди. Характер кўрсатдик ва ғалабага эришдик. Оллоҳга минг қатла шукур.

- Австралиянинг кучига қараб шундай эхтиёткор тактика танландими?

- Бу термани ўрганиб чиққандик. Уларнинг ўйин услубига юз фоиз тайёр эдик, стандартлари-ю, тактик ўйинига ҳам. Шу сабабли йигитлар бир режа остида ўйнай олишди.

- Навбатдаги босқичда қайси терма тушишини истайсиз?

- Рақибнинг аҳамияти йўқ. Мақсад - чемпионлик!

- Асосийси, жаҳон чемпионати йўлланмаси қўлга киритилди. Эндиги асосий мақсад чемпионликми?

- Ҳали ҳеч нимани бажарганимиз йўқ! Асосийси олдинда. Мен учун энг минимуми - чемпионлик.

- Қўшимча бўлимларда йигитлар чарчаб қолишди.

- Биз ватан учун ўйнадик. Чарчаган бўлса-да, таслим бўлмади. Ватан учун охирги лахзагача, сўнгги нафасгача ўйнашга тайёрмиз.

Ҳавола :

Манба : championat.asia

Янгиликларни Телеграмда ўқинг!

Рейтинг: +10