Бундестим устози Ўзил билан шахсан учрашиб, суҳбатлашиб олиш учун Лондондаги "тўпчилар" базасига ташриф буюрди, аммо Месут мураббийга рад жавобини берди. Футболчининг қарорини "Арсенал" устози Унаи Эмери қўллаб-қувватлади. Лёв "тўпчилар"нинг бошқа немис футболчилари Бернд Лено, Шкодран Мустафи ва фаолиятини якунлаган Пер Мертезакер билан суҳбатлашди.
Эслатиб ўтамиз, Ўзил ЖЧ-2018дан олдин Туркия президенти билан суратга тушган эди. Мундиалдаги муваффақиятсизликдан сўнг немис матбуоти жамоанинг омадсизлигида Месутни айблади. Натижада Ўзил терма жамоадан кетди.
