Лукаку: «Мақсадим Роналду даражасига етиш»

«Роналду? Мен ҳали унинг даражасига етганим йўқ, аммо айнан шу мақсадда тинмай шуғулланяпман. Энди 24 ёшга тўлдим ва ҳали ўрганадиган нарсаларим жуда кўп деб ҳисоблайман. Энг яхши ўйинларим ҳали олдинда деб умид қиламан. 

Мақсадимга етиш учун улкан ишни амалга оширишим, ўз устимда тинмай меҳнат қилишим зарур. Ва бу фикр менга ҳузур бағишламоқда. Мен кечагидан яхшироқ бўлишим мумкин ва айнан шу нарса мени руҳлантираверади. 

Ҳеч қачон ўзимни жуда кучли футболчи бўлдим ва буёғига машғулот қилмасам ҳам бўлаверади деб ҳисобламайман. Аксинча, ҳар қандай футболчи, қанчалик кучли бўлмасин, меҳнат қилса янада ўйинини кучайтириши мумкин».

Эслатиб ўтамиз, белгиялик футболчи бир неча кун олдин бўлиб ўтган Манчестер шаҳри дербисида гол уришга муваффақ бўлганди.