Айни вақтда бельгиялик футболчи сафга қайтиш арафасида турибди. Манбанинг хабар беришича, яқин кунларда ҳужумчининг умумий гуруҳдаги машғулотларига қайтиши кутилмоқда. Эҳтимол, Лукаку 16 октябрь куни "Салернитана"га қарши А Серия баҳсида майдонга тушиши мумкин. Бироқ Лукаку беш ярим ҳафтадан сўнг Қатарда бошланадиган жаҳон чемпионатига қадар ўзини зўриқтирмоқчи эмас.
Эслатиб ўтамиз, “Барселона” – “Интер” учрашуви 13 октябрь куни Тошкент вақти билан соат 00:00 да бошланади.
