Лукаку "Интер"ни тарк этиши ҳақида: "Бу тарзда кетишим керак эмасди. Мен яна қайтаман"

"Челси" клуби ҳужумчиси Ромелу Лукаку Лондон клубига ўтиши ҳақида гапирди.

"Бу тарзда кетишим керак эмасди. Ҳаммаси бошқача бўлиши керак эди.

Мен қандай "Интер"дан кетганим, мухлислар билан қандай суҳбатлашганим - булар мени ҳалигача безовта қилади. Ҳозир бу ҳақида гапиришнинг мавриди эмасдир, балки. 

Аммо, ҳар доим "Интер" менинг юрагимда қолишини таъкидлаб келганман. Мен у ерда ўйнаш учун яна қайтаман. Бунга ишонаман.

Италияни жуда севаман. Ҳозир инсонларга мен аслида ёмон иш қилмаганимни айтадиган пайт. Кимнидир айбламоқчи эмасман. Бироқ, ҳозир шу гапларни маълум қилишнинг айни пайти, -дейди Ромелу Лукаку.

Эслатиб ўтамиз, "Челси" ёзда Ромелу Лукакуни 115 млн евро эвазига сотиб олганди.