Лука Модрич янги клуби билан қачон шартнома имзолайди?

"Реал"ни эркин агент сифатида тарк этаётган Хорватия терма жамоасининг 39 ёшли ярим ҳимоячиси Милан клубига ўтишга яқин турибди.

Жанлука Ди Марцио хабарига кўра, Лука "Милан"га ўтишга розилик берган. Клуб хавбек билан эртагаёқ шартнома туза олишига ишонмоқда. Жуда бўлмаганда бу 48 соат ичида содир бўлиши керак, дея таъкидлади Sky Sport.

Николо Скиранинг маълумотига кўра, гап бир йиллик келишув ҳақида кетмоқда.

Модрич "Мадрид" сафида 2012 йилдан буён ўйнаб келаётганди.