Ловрен: "Нега "Ливерпуль" "Реал"дан қўрқиши лозим? Керак бўлса улар биздан қўрқишсин"
04 май 2018 14:32
Янгиликлар

Ловрен: "Нега "Ливерпуль" "Реал"дан қўрқиши лозим? Керак бўлса улар биздан қўрқишсин"

"Ливерпуль" ҳимоячиси Деян Ловрен жамоа бош мураббийи Юрген Клоппнинг клуб менталитетига таъсири борасида гапириб берди ҳамда "Реал"га қарши бўлиб ўтадиган Чемпионлар лигаси ҳақида фикр билдирди.

"Бизни Клоппдек мураббий шуғуллантираётганидан барчамиз фахрланишимиз керак. У "Ливерпуль"даги иши давомида нафақат футболчилар, балки клуб билан боғлиқ баъзи бошқа нарсалар, масалан менталитет ва фикрлаш тарзини ўзгартирди. Буни ҳамма ҳис қилмоқда.

Финалга чиқиш - катта муваффақият, бу ҳар бир футболчининг орзуси. "Ливерпуль"да ўйнаш - катта шараф ва энди ўзимизни финалда кўрсатишга ҳаракат қиламиз. "Реал" - ўзига ишонган жамоа. Бироқ бу бизни ҳавотирга солмайди, ҳозир фақат ўз ишимиз ҳақида ўйлаяпмиз. Нега "Ливерпуль" улардан қўрқиши лозим? Керак бўлса улар биздан қўрқсин" - дейди Ловрен.

Ҳавола :

Манба : Liverpool Echo

Янгиликларни Телеграмда ўқинг!

Рейтинг: +15