Лондонда афсонавий стадион билан қандай хайрлашишди? (Фото + Видео)

Ўша баҳсда "шпорлар" "Манчестер Юнайтед"ни 2:1 ҳисобида таслим этишди. "Қизил иблислар"га қарши беллашув "Тоттенхэм" учун "Уайт Харт Лэйн"даги сўнгги учрашув бўлиб тарихда қолди.

"Тоттенхэм" жамоаси "Уайт Харт Лейн"да 1899 йилдан бери уй учрашувларини ўтказиб келаётган эди.

Афсонавий стадиондаги сўнгги учрашувда лондонликлар Англиянинг энг кўп карра чемпионлари - "Манчестер Юнайтед"ни Виктор Ваньяма ва Харри Кейнларнинг голлари эвазига мағлуб этишди.

Учрашув якунлангач, қадрдон стадион билан хайрлашиш маросими бўлиб ўтди.

"Тоттенхэм" афсоналари (чапдан ўнгга) - Мартин Чиверс, Давид Жинола ва Марк Фалько.

Шу куни хайрлашув маросимида "шпорлар" таркибида тўп тепган собиқ юлдузлар ҳам қатнашишди.

Маросим якунига етмасданоқ мухлислар ўзларини ушлаб тура олишмади ва майдонга тушиб кетишди.

Мухлислар эсдалик учун майдон чимидан бир парчадан юлиб олишди.

Қадрдон стадион билан хайрлаша туриб жуда кўпчиликнинг кўзларига ёш тўлди.

Лондон афсонавий стадион билан шу тариқа хайрлашди. Энди "Уайт Харт Лэйн" тарихда қолди. Айни кунда стадион бузилмоқда. Жамоа кейинги мавсумда уй учрашувларини "Уэмбли"да ўтказади. 2018 йилдан эса 61000 томошабинга мўлжалланган янги стадионга кўчиб ўтади.

Қуйида ўша куни стадионда бўлган мухлисларнинг ҳолатини бироз бўлсада ҳис этишингиз учун кичик видеони жойлаймиз.

TAS-IX эмас

"Тоттенхэм"нинг янги стадиони ҳақида (ФОТО+Видео)

ФОТО. “Уайт Харт Лэйн” стадионининг бузилиши бошланди

Хориж манбалари асосида Толибжон Қосимов тайёрлади