“Локомотив” футболчилари “Динамо” билан ўйиндан кейинги тикланиш машғулотини ўтказишди ФОТО + ВИДЕО
22 июн 2017 18:15
Янгиликлар

“Локомотив” футболчилари “Динамо” билан ўйиндан кейинги тикланиш машғулотини ўтказишди ФОТО + ВИДЕО

Хабарингиз бор, Тошкентнинг “Локомотив” жамоаси миллий чемпионатимиз 14-турида Самарқанднинг “Динамо” жамоасини қабул қилиб, 2:0 ҳисобида зафар қучди.

Кеча “темирйўлчилар” жамоаси аъзолари мазкур ўйиндан кейинги тикланиш машғулотини ўтказишди. Машғулот аввалида мураббийлар штаби “Динамо”га қарши баҳс хусусида бироз тўхталиб ўтди. Сўнгра футболчилар енгил югуриб олишди. Чигалёзди машқлари ўталгач эса, асосан кечаги учрашувда иштирок этмаган футболчилар тўп билан муомала машқлари бажаришга киришишди.

Таъкидлаш жоизки, Ислом Тўхтахўжаев ҳамон якка тартибда шуғулланишда давом этмоқда. У ёлғиз ҳолда шифокор назорати остида машғулот ўтди.