“Локомотив” – “Ал-Таавон”. Ўйинни қатарлик ҳакамлар бошқаришади

Учрашув бош ҳаками этиб қатарлик Абдулраҳмон Иброҳим ал-Жассим тайинланди. Қанотларда унинг ҳамюртлари Толиб Салим ал-Марри ва Сауд Аҳмад ал-Мақалеҳ ишлайди. Тўртинчи ҳакам вазифасини ҳам қатарлик рефери — Сауд Али ал-Абда бажаради.

Филиппин вакили Ричард Дель Фонсо Жосон ўйин комиссари бўлиб ишлайди. Ҳакамлар назоратчиси – Али Ҳамад Мадҳад Саиф ал-Бедвави (БАА).

“Локомотив” ва “Ал-Таавон” ўртасидаги учрашув 25 апрель, сешанба куни ТТЗ мавзесида жойлашган “Локомотив” стадионида бўлиб ўтади. Ўйин соат 17:00 да бошланиши кўзда тутилган.

Маълумот учун, “А” гуруҳи 4-туридан кейин “Локомотив” 4 очко жамғарган ҳолда сўнгги, 4-поғонада бормоқда. “Ал-Таавон” ҳисобида ҳам 4 очко мавжуд, аммо жамоа “Локомотив”ни мағлуб этгани учун ўзаро ўйинлар ҳисобида 3-ўринда бормоқда.