“Локомотив-2004” – “Локобол-2015” халқаро турнири ғолиби!
21 июн 2015 17:25
Янгиликлар

“Локомотив-2004” – “Локобол-2015” халқаро турнири ғолиби!

"Локомотив" футбол мактабининг 2004 йилда туғилган тарбияланувчилари ҳар йили анъанавий тарзда ўтказиб келинадиган "Локобол" турнирида иштирок этаётган эди.

Россиянинг Барнаул шаҳрида ўтган “Локобол-2015” турнирида “ёш темирйўлчилар” жуда муваффақиятли иштирок этишди ва якунда мусобақанинг бош совринига эга чиқишди.

Ҳал қилувчи баҳсда ўз гуруҳида етакчи бўлган ўзбекистонлик ёшлар нариги гуруҳ ғолиби бўлган Новокузнецкнинг "Металлург-Кузбасс-2004" жамоаси билан баҳслашиб, йирик 5:0 ҳисобида зафар қучишди ва мусобақа ғолиблигини қўлга киритишди.
Шу тариқа Отабек Мансуров бош мураббийлигидаги "Локомотив-2004" ушбу халқаро турнирда юртимиз шарафини муносиб ҳимоя қилди.

Ҳавола :

Манба : championat.asia

Янгиликларни Телеграмда ўқинг!

Рейтинг: