"Ливерпуль" мухлислари учун нохуш хабар
25 янв 2020 12:59
Янгиликлар

"Ливерпуль" мухлислари учун нохуш хабар

"Ливерпуль" вингери Садио Мане жароҳат сабаб ҳафтани ўтказиб юбориши мумкин.

Бу ҳақда "Liverpool Echo" нашри хабар берди.

Эслатиб ўтамиз, сенегаллик футболчи АПЛ-тури доирасида "Вулверхэмптон"га қарши баҳс (2:1)да сонининг орқа пайларини шикастлаб олган эди. Мане 33-дақиқада майдонни тарк этган ва унинг ўрнига Такуми Минамино тушганди.

Бундай ҳолатда Садио Премьер-лига доирасида "Вест Хэм" (29 январь) ва "Саутгемптон" (1 февраль)га қарши беллашувларда "қизиллар"га ёрдам бера олмайди. Шунингдек, у ЕЧЛ 1/8 финал биринчи ўйинида "Атлетико"га қарши учрашувгача ҳам тикланишга улгурмаслиги мумкин. Ушбу тўқнашув 18 февралда ташкиллаштирилади.