Лионель Месси: “Ҳа, биз ютқаздик, лекин ҳали кураш давом этади”
15 авг 2017 02:03
Янгиликлар

Лионель Месси: “Ҳа, биз ютқаздик, лекин ҳали кураш давом этади”

“Барселона” ҳужумчиси Лионель Месси “Реал” клубидан қабул қилинган мағлубиятга ўз муносабатини билдирди.

Каталонияликлар Испания Суперкубоги учун кечган илк учрашувни “Камп Ноу” стадионида ўтказишларига қарамай, 1:3 ҳисобида имкониятни бой беришган эди.

“Ҳа, биз ўйинда мағлуб бўлдик. Лекин ҳали кураш давом этади. Олдиндан таслим бўлиш йўқ. Бу эндигина бошланиши”, — дея “Инстаграм”даги саҳифасида хабар қолдирган Месси.

Маълумот учун, Испания Суперкубогининг жавоб учрашуви 16 август куни Мадрид шаҳридаги “Сантьяго Бернабеу” стадионида бўлиб ўтади.