"Лион" 12 йил деганда яна кубок финалига чиқди

Беллашувда Пьер Саж шогирдлари йирик 3:0 ҳисобида ғалаба қозонишди. Шу тариқа, "Лион" 12 йил деганда яна кубок финалида ўйнайди. Финалда уларга қарши ПСЖ - "Ренн" жуфтлиги ғолиби майдонда саф тортади.

"Лион" охирги марта 2012 йил финалда тўп тепган ва "Кевийи" жамоасини Лисандро Лопеснинг ягона голи эвазига мағлуб этган. Қизиғи ўша финалда Александр Ляказетт ҳам асосий таркибда ўйнаган. Ляказетт кечаги баҳсда дубль қайд этди ва худди "Лион" каби 12 йил ўтиб яна Франция кубоги финалида ўйнаши мумкин. Жамоа умумий ҳисобда мамлакат кубогини 5 бор қўлга киритган.

Франция кубоги

Ярим финал

02.04.2024

"Лион" - "Валенсьен" 3:0

Голлар: А.Ляказетт (пен.) 51, 57, Гифт Орбан 75

Эслатиб ўтамиз, "Лион" Франция чемпионатида 27 турдан кейин бор йўғи 10-ўринда бормоқда.