UZ

Сўнгги янгиликлар

11:47U-23 Осиё Кубоги саралаш босқичи. Қирғизистон билан дуранг ўйнаган Ўзбекистоннинг гуруҳида вазият қандай?  0 11:20Ислом Исмоилов Канада билан ўйиндан сўнг: "Пенальтилар серияси доим режамизда бўлади"  1 10:45Саудия клублари Ҳарри Магуайрга қанча маош таклиф қилгани маълум  1 10:09Вильям Салиба қанча муддатга сафдан чиққани маълум  2 09:30Here we go! Онана "Манчестер Юнайтед"ни тарк этмоқда  14 08:58"Ал Аҳли" Франция U-21 аъзосини 25 миллион еврога сотиб олди  2 08:17Роналду Мессидан ўтиб кетди  19 07:50ЖЧ-2026 саралаши. Португалия Арманистон устидан 5:0 ҳисобида ғалаба қозонди, Англия Андоррани енгди, Сербия эса Латвиядан устун келди  5 07:35Дембеленинг жароҳати жиддий бўлиб чиқди. Унинг қанча муддатга сафдан чиққани эълон қилинди  5 23:05Самарқандда хайрия учрашуви: "Динамо" фахрийлари Ўзбекистон МТЖ афсоналари учрашувида 8 та гол урилди  15 22:31Данни Блинд "Аякс"ни тарк этади  1 22:02Расман: "Барселона" собиқ футболчиси Ашурматов ва Машариповнинг жамоадошига айланди  4 21:22U-23 Осиё Кубоги саралаш босқичи. Ўзбекистон Қирғизистон билан дуранг ўйнади  79 21:09Суперлига 21-тур ҳакамлари расмийлари маълум. Марказий тўқнашувни ким бошқаради?  4 20:30Интервью. Жоэль Кожо: "Динамо"га қайтишим мумкин эди, лекин "Истиқлол"ни фақат "Нефтчи" рози қила олди"  5

Левандовски — хет-триклар қироли. ЧЛ рекордини ўрнатди ва Роналдудан ўтиб кетишга тайёр Янгиликлар

Левандовски — хет-триклар қироли. ЧЛ рекордини ўрнатди ва Роналдудан ўтиб кетишга тайёр

"Барселона" "ўлим гуруҳи"ни осонгина кардиомашғулотлар билан бошлади.

"Камп Ноу"га Чехиянинг "Виктория" жамоаси келди ва 1:5 ҳисобида ютқазди. Роберт Левандовски бу ўйинда энг яхшиси бўлди — 34 ёшли поляк навбатдаги хет-трикни қайд этди. Яна қанча бундай қилиш мумкин?!



"Барселона" бирдан рақибдан устунлик қилди ва 13-дақиқада гол урди. Голни янги ўйинчилар уришди: Франк Кессье Жюль Кунденинг пасини голга айлантирди.


Шундан сўнг барчаси режа бўйича кетмади. Кристенсен жарима майдончаси ичида Моксерага қарши қоида бузди — ҳакам пенальти белгилади ва данияликка қизил карточка кўрсатишга тайёрланаётган эди. Каталонияликларни ВАР қутқарди: ёрдамчилар бош ҳакамга Москера айланаётган пайтда йиқилишидан олдин рақибнинг юзига зарба бериб юборганини айтишди. Пенальти ва Кристенсеннинг четлатилиши адолатли тарзда бекор қилинди.


Шундан сўнг Левандовски катта саҳнага чиқди — у "Барселона"нинг кейинги учта голини урди. Аввалига унга Сержи Роберто ассистентлик қилди — поляк олдида ҳеч ким йўқлигини англади ва жарима чизиғидан ажойиб зарба берди.



Усмон Дембеле биринчи тайм сўнггида кейинги голни яратиб берди. Француз тўп йўқотишдан сўнг уни ўзига ўнглади ва узоқ устун томонга кросс ижро этди. Бу сафар Левага битта тегиниш кифоя қилди.



Левандовски учинчи голни 67-дақиқада урди — Ферран Торреснинг пасидан сўнг жарима майдончаси ташқарисидан. Йирик ҳисобга қарамай, Хави Робертни финал ҳуштагига қадар майдонда қолдирди.


Бу Левандовскининг "Барса"даги илк хет-триги. Ва ЧЛдаги олтинчиси (!)


Роберт янги клубида барчасини ажойиб бошлади — у ҳозирча фақатгина илк турда "Райо Вальекано"га гол ура олмади. Унинг статистикаси ҳайрон қолдиради!


• Левандовски "Барса"нинг сўнгги 4та ўйинида 8та гол урди: Ла Лигада — 5та, Чемпионлар Лигасида — 3та.


• Роберт еврокубокларда 107-ўйинини ўтказди ва 108та гол урди.



• Бу хет-трик — поляк учун "Барса"да биринчиси, аммо Чемпионлар Лигасида олтинчиси. Лионель Месси ва Криштиану Роналдуда — 8тадан.


• Левандовски ЧЛ тарихида илк бор учта клуб сафида хет-трик қилди — "Барса", "Бавария" ва "Боруссия". Балки, ҳамма гап "Б" ҳарфидадир?


• ЧЛдаги сўнгги беш хет-триклардан 3таси Левандовскининг ҳисобида. Яна 2та — Карим Бенземанинг иши. Қани қолган топлар, ау?


• Лева хет-трик сабаб Бенземадан ЧЛда голлар бўйича ўтиб кетди — 89га қарши 86. Олдинда Роналду (140) ва Месси (125). Ўтиб кета оладими?


• Левандовски ЧЛдаги дебют кунида гол урган энг ёши катта ўйинчига айланди (34 йил ва 12 кун). Олдинги натижа 2004 йилдан бери Хенрик Ларссон (32 ёш ва 360 кун) учун сақлаб турилганди.


Ҳайратдамисиз? Албатта, барчамиз каби. Ҳатто, Левандовскининг жамоадошлари ҳам шокда.


"Левандовскининг шу ерда экани ва биз билан шартнома имзолагани, бу шунчаки совға. У бизга кўп нарса беради, Роберт буни аллақачон кўрсатмоқда. У ажойиб профессионал ва ажойиб инсон", — деб айтди "Барса" сардори Сержи Роберто ушбу ўйинда.



Левандовскининг тақвимида кейинги бўлиб "ўлим"га яқин бўлган "Кадис" бор, жамоа Ла Лиганинг тўртта турида бирорта ҳам очко жамғармаган ва тўплар нисбати 0:10ни ташкил этмоқда. Омад!


"Барселона" (Испания) – "Виктория", Пльзень (Чехия) 5:1 (3:1, 2:0)

Голы: 1:0 – 13 Кессиэ, 2:0 – 34 Левандовски, 2:1 – 44 Сикора, 3:1 – 45 Левандовски, 4:1 – 67 Левандовски, 5:1 – 71 Ферран Торрес.

"Барселона": Тер Штеген, Сержи Роберто (Пике, 46), Кристенсен, Кунде, Альба, Кессиэ (Торре, 81), де Йонг, Педри (Гави, 75), Левандовски, Дембеле (Депай, 75), Фати (Ферран Торрес, 65).

"Виктория", Пльзень: Станек, Гавел, Гейда, Перница, Емелка (Голик, 86), Сикора (Пиларж, 79), Москера (Йирка, 79), Влканова (Чермак, 78), Калвах, Буха, Хоры (Басси, 66).

Огоҳлантиришлар: Перница (4), Москера (27), Хоры (56), Емелка (62).


Алишер Остонов таржимаси

Рейтинг: +22   

Фикрлар

championat.asia
< сўнгги янгиликларни кўриш
Яндекс.Метрика