Легионерларимиз. "Шаржа" "Ал Айн" майдонидан бир очко билан қайтди. Шукуровдан голли узатма
07 фев 2020 23:37
Янгиликлар

Легионерларимиз. "Шаржа" "Ал Айн" майдонидан бир очко билан қайтди. Шукуровдан голли узатма

Бирлашган Араб Амирликлари чемпионатининг 16-туридан ўрин олган “Ал Айн” ва “Шаржа” жамоалари ўртасидаги учрашув ўз ниҳоясига етди.

Унда томонлар ўзаро 1-1 ҳисобидаги дурангга имзо чекишди. Баҳснинг илк дақиқаларида, яъни иккинчи дақиқада меҳмонлар вакили Лукас Кайо ҳисобни очишга эришди. Эътиборлиси мазкур голда ҳамюртимиз Отабек Шукуров ассистентлик вазифасини бажарди. Айнан унинг ажойиб пасидан сўнг баҳсда ҳисоб очилди. Ушбу ўйинда “Шаржа” ғалабага жуда яқин турганди. Бироқ, ҳакам ҳуштаги янграшига саноқли дақиқалар қолганида мезбонлар аъзоси Коджо Лаба Муҳсин Абдулланинг узатмасини голга айлантирди ва ўртадаги мувозанатни тиклади -1:1.

Эслатиб ўтамиз қайд этилган натижадан сўнг Отабек Шукуров тўп тепаётган “Шаржа” жамоаси 28 очко тўплаган ҳолда турнир жадвалининг тўртинчи поғонасига жойлашди.

Кейинги учрашувни клуб 27 февраль куни “Ал Васл”га қарши ўтказади.

Ҳавола :

Манба : championat.asia

Янгиликларни Телеграмда ўқинг!

Рейтинг: +11