“Лацио” икки етакчи футболчиси билан шартномани узайтирди
01 окт 2018 23:45
Янгиликлар

“Лацио” икки етакчи футболчиси билан шартномани узайтирди

Римнинг “Лацио” клуби раҳбарияти икки етакчи футболчи билан шартнома узайтирилганини эълон қилди.

Гап ҳужумчи Чиро Иммобиле ҳамда ярим ҳимоячи Сергей Милинкович-Савич ҳақида кетмоқда. Рим клуби ҳамда футболчилар билан имзоланган шартнома 2023 йилнинг 30 июнига қадар амал қилади. Келишувнинг молиявий бандлари маълум эмас.

Маълумот учун, Милинкович-Савич “Лацио” шарафини 2015 йилдан буён ҳимоя қилиб келмоқда. Ёзги трансфер бозори чоғида бу футболчининг хизматларига “Милан”, “Реал”, “Манчестер Юнайтед”, ПСЖ, “Ювентус” ва “Челси” клублари жиддий қизиқиш билдирган эди.

Имммобиле эса римликлар сафига 2016 йили Италиянинг бошқа бир жамоаси - “Торино”дан келиб қўшилганди. Жорий мавсумда италиялик футболчи “Лацио” таркибида 7та ўйинда майдонга тушиб, 4та гол киритишга муваффақ бўлди.