Кристиан Гентнер: "Шнайдер қисқа вақт ичида "Штутгарт"га катта фойда келтира олди"

Иккинчи тайм аввалида айнан у киритган гол якунда ҳал қилувчи аҳамиятга эга бўлди.

"Биз учун ҳозир энг асосийси натижа. Мавсум бошидан олдимизга ҳар ўйинда олтиталаб гол уришни вазифа қилиб қўймаганмиз. Ўйин қийин кечиши олдиндан маълум эди. Танаффусдан кейин бизга омад кулиб боқди ва биз олдинга чиқиб олдик".

"Шнайдер билан энди бирга ишлай бошлаган бўлсак ҳам, у бизга кўп нарса беришга улгурди. Жамоада позитив кайфият ҳукмронлик қиляпти ва биз тўғри йўналишда ҳаракат қиляпмиз. Шундай давом этиш керак. Кейинги ўйингача бир ҳафталик тайёргарлик жараёни олдинда турибти. Европа Лигасидаги мувоффақиятсизликдан кейин ўзимизга бўлган ишонч борасида муаммолар пайдо бўлгани рост. Бироқ мураббий яна ўзимизнинг кучли ўйинларимизни кўрсатишимизга ёрдам берди", деди футболчи.