Коул Санчо ҳақида: "Жейдон шундоқ ҳам кўп маош олади, нега у 23 ёшида Саудияга кетиши керак"
11 сен 2023 19:12
Янгиликлар

Коул Санчо ҳақида: "Жейдон шундоқ ҳам кўп маош олади, нега у 23 ёшида Саудияга кетиши керак"

Энди Коул Жейдон Санчонинг "Манчестер Юнайтед"даги ҳолати ҳақида фикр билдирди.

"Арсенал"га қарши АПЛнинг 4-тур ўйинидан кейин Эрик тен Хаг Жейдон машғулотларда ўзини кўрсатмагани учун қайдномага киритилмаганини айтди. Ярим ҳимоячи бунга ижтимоий тармоқ орқали жавоб берди: "Узоқ вақт айбдор сифатида кўрсатилдим - бу адолатсизлик. Машғулотларда тер тўкяпман, ўқиётганингизга ишонманг. Бошқа сабаблар бўлган".

Можародан сўнг "Ал Иттифоқ" Санчони ижарага олишга уринди, бироқ келишув амалга ошмади, футболчи эса "Манчестер Юнайтед"да қолди.

"У 23 ёшда, Жейдон нега бу ёшда Саудия Арабистонига кетиши керак? Санчо "Манчестер Юнайтед"да шундоқ ҳам кўп пул олади. Баъзида у ёш эканлигини унутиб қўямиз.

Футболчи фаолиятида содир бўлаётган воқеаларни биз муҳокама қилмаслигимиз керак, аммо бир нарсани айта оламан: Ҳаммада муаммо бўлади ва ҳозир Жейдон ҳаётида нима бўлаётганидан хабаримиз йўқ - футболчи кўп пул олса, унинг руҳий ҳолати қолганларникидан яхши бўлади дегани эмас. У нега майдонда ўзини кўрсата олмаяпти? МЮ ва футболчи буни аниқлаб олиши керак. Ҳаммаси оддий" - дейди МЮ собиқ футболчиси.

Ҳавола :

Манба : Betfred

Янгиликларни Телеграмда ўқинг!

Рейтинг: +4