Конте "Челси"га италиялик мураббийни таклиф қилмоқчи, раҳбарият эса - инглиз

Холланд жорий мавсум якунланиши билан клубни тарк этади ва Англия терма жамоаси бош мураббийи Гарет Саутгейт ёрдамчисига айланади.

Конте Холланд ўрнига италиялик мураббийни таклиф этмоқчи, бироқ "Челси" раҳбарияти бошқа фикрда. Лондон клубидагилар маҳаллий мутахассис билан ишлашни маъқул кўришяпти.

Эслатиб ўтамиз, "Челси" Антонио Конте билан шартномани узайтириш борасида музокаралар ўтказмоқда. Клуб эгаси Роман Абрамович италиялик мутахассиснинг ёзги трансфер ойнасидаги ҳар қандай истагини амалга оширишга тайёр.