Конференциялар лигаси саралаши. Жамоалар баҳсни 10 кишидан бўлиб якунлаган ўйинда “Тобол” минимал ҳисобда ютқазди. Сергеев эса захирада қолди

Қозоғистоннинг “Тобол” жамоаси сафарда Босния ва Герцеговина вакили “Зриньски Мостар”га қарши баҳс олиб бориб, 0:1 ҳисобида имкониятни бой берди. Учрашувдаги ягона гол 2-тайм ўрталарида Нико Янкович томонидан урилди.

Қайд этиш жоизки, жамоалар ўйинни 10 кишидан бўлиб якунлашди. 55-дақиқада Йосип Чорлука, 84-дақиқада эса Жарко Томашевич қизил олиб, майдонни тарк этди.

Қайдномадан ўрин олган Игорь Сергеев эса захирада қолди.

Эслатиб ўтамиз, жамоалар ўртасидаги жавоб баҳси 11 август куни (19:00) Костанайдаги “Марказий” стадионда бўлиб ўтади. Мазкур жуфтлик ғолибига охирги плей-офф раундида “Олимпиакос” – “Слован” жуфтлигида муваффақият қозонган жамоа тўқнаш келади.