UZ

Сўнгги янгиликлар

21:21"Қосимпошо" — "Башакшехир". Таркиблар маълум  5 21:19Асрор Алиқулов: "Шўртан" Суперлига даражасидаги жамоа, келаси йил яна қайтишимиз керак"  0 21:07Камолиддин Тожиев: "Жамоадаги энг асосий нарса бу ички муҳит ҳисобланади"  1 20:52"Қизилқум" — "Шўртан" учрашувида захира ҳаками ва футболчи ўртасида юзага келган вазият юзасидан изоҳ  2 20:33Шерзод Жўраев: "Бирданига жамоа тузиб бўлмайди, ҳаммасига вақт керак"  2 20:23Ўзбекистон аёллар терма жамоаси Тошкентда Эронни қийинчиликсиз мағлуб этган ўйиндан ФОТОГАЛЕРЕЯ  1 20:14"Монако" — ПСЖ. Таркиблар маълум  4 19:15Суперлига. “Насаф” — “Динамо” 0:0   0 19:12"Барселона" — "Алавес". Таркиблар маълум  32 19:04Рўзиқул Бердиев: "Афсуски, мавсум биз учун бир текис ўтмади"  9 18:46"Манчестер Сити" — "Лидс". Таркиблар маълум  10 18:36Суперлига-2025. "Пахтакор" кумуш, "Насаф" бронза медалига эга чиқишди  19 18:27Туркия Суперлигаси. "Ризеспор" ўз уйида мағлуб бўлди, Алиқулов захирада қолдирилди  2 17:59Вадим Абрамов: "Баъзи ўйинларимиз ижобий якун топганида ҳатто иккинчи ўринни олишимиз мумкин эди"  13 17:28Суперлига. Тарихда илк бор аёл ҳакам бошқарган ўйинда 6 та гол урилди   16

"Клуб билан бундай кўринишда хайрлашиш мен учун оғир" — Абрамовичдан кейин "Челси"нинг тақдири нима бўлади? Янгиликлар

"Клуб билан бундай кўринишда хайрлашиш мен учун оғир" — Абрамовичдан кейин "Челси"нинг тақдири нима бўлади?

"Челси"нинг тақдири ҳал бўлмоқда — куни-кеча Роман Абрамович расман клубни сотиши ҳақида маълум қилди.

Эслатиб ўтамиз, 2003 йил "МЮ" ва "Реал" (4:3) ўртасида бўлиб ўтган шиддатли баҳсдан сўнг, Романнинг футболга бўлган муҳаббати уйғонган. Айнан шундан кейин у бирорта футбол клубини сотиб олишга қарор қилган.

Мана орадан деярли 19 йил ўтиб, клуб эҳтимолий санкциялардан жабр кўрмаслиги учун "Челси"ни сотишга мажбур бўлмоқда. 24 февраль куни Буюк Британия парламентида Абрамович инглиз клубига эгалик қилиши мумкинмаслиги ҳақида сўз борган эди. Шу сабабли, Абрамович севимли жамоасини сотишга қарор қилди, шунингдек, клубнинг 1,5 миллиард фунт миқдоридаги қарзидан ҳам кечиб юбоишга қарор қилди.

"Илтимос, бир нарсани билинг: бу қарорга келиш жуда қийин бўлди ва клуб билан бундай кўринишда хайрлашиш мен учун оғир. Аммо "Челси" учун ҳозирги вазиятда энг тўғри йўл шу. Мен охирги марта "Стэмфорд Бриж"га бориб, ҳамма билан хайрлаша оламан деб умид қиламан. Мен учун "Челси"нинг бир бўлаги бўлиш бир умрлик шараф. Жамоа билан биргаликда эришган ютуқларимиздан фахрланаман. "Челси" футбол клуби ва унинг мухлислари доим юрагимда қолади", — деди Абрамович.

The New York Times нашри маълумотларига қараганда, тадбиркор аввалроқ клубни камида 2,5 миллиард доллар эвазига сотилади деб ўйлаган. Хабарларга кўра, "Челси"га 3та номзод қизиқиш билдирган. Улар орасидаги асосий даъвогар америкалик консорциум ҳамда швейцариялик бизнесмен Хансйорг Висс.

Амалга ошиши мумкин бўлган шартнома бўйича инветесторлар билан Американинг Raine банки шуғулланади. Абрамович клуб учун даъвогарларга шу ҳафтада масалани ҳал қилишни таклиф қилди.

Абрамович "Челси"ни бошқаришдан бош тортди. Бу нима дегани?

"Челси" сотувдан тушган маблағ хайрия фондига йўналтирилади.

26 февралда Абрамович "Челси" бошқарувини 2010 йил ташкил этилган клуб хайрия фондига топширди. "Челси" у орқали хайрия ва ижтимоий лойиҳалар билан шуғулланган. Аввал унинг фаолияти учун тахминан 120 миллион доллар сарфланганди. Жамоа бошқаруви ҳамон спорт директори Марина Грановская ҳамда техник директор Петр Чех назорати остида қолмоқда.

Абрамович "Челси"ни Англиянинг энг муваффақиятли клубига айлантирди

Абрамович жамоани сотишдан олдин клублар ўртасидаги жаҳон чемпионатида ғолиб бўлишга эришди: 12 февраль куни лондонликлар "Палмейрас"ни мағлуб этиб, тарихида илк маротаба ушбу совринга эга чиқишди. Клуб россиялик билан эришиш мумкин бўлган деярли барча титулни қўлга киритди.

Роман келганидан сўнг, "Челси" жаҳон футболининг ҳақиқий грандларидан бирига айланди. Абрамович даврида (ундан аввалги 98 йилда 21та соврин) лондонликлар 10дан ортиқ соврин ютишди.

Абрамовичнинг "Челси"си 5 марта Англия чемпиони бўлди, 5 марта мамлакат Кубогини қўлга киритди, 3 бора Лига Кубоги ва 2 бор Англия Суперкубогига эга чиқди. "Челси" икки марта Чемпионлар Лигаси ва Европа Лигасида ғолиб бўлди. Шунингдек, битта УЕФА Суперкубогини олди ва яқинда клублар ўртасидаги ЖЧга сазовор бўлди.


Роман Абрамович даврида лондонликлар шарафини ҳимоя қилган энг кучли футболчилардан иборат рамзий терма жамоа

Инстаграмда Абрамович "Челси"ни сотиши ҳакидаги пост тагига жамоанинг афсонавий сардори Жон Терри шундай изоҳ ёзиб қолдирди: "Раҳмат, Роман, клубнинг дунёдаги энг яхши эгаси". 

Ҳа, унинг бу фикрига кўшилмасдан бошқа илож йўқ...


Нозима Зарипова таржимаси

Рейтинг: +16   

Фикрлар

championat.asia
< сўнгги янгиликларни кўриш
Яндекс.Метрика